Apple-ը հնարավոր է 3D տեսախցիկով iPad և iPhone թողարկել

0

2019 թվականի աշնանը Apple-ը կներկայացնի iPhone-ի երեք առաջատար մոդել, որոնցից մեկը համալրված կլինի եռակի տեսախցիկով, իսկ 2020 թվականին նախատեսվող մոդելը կստանան նորարարական 3D նկարահանման համակարգ։

Այս մասին հայտնում է Bloomberg- ը՝ բացահայտելով ընկերության պլանները:

Եռաչափ տեսախցիկով iPhone-ը օժտված կլինի լազերային սկաներով` ներկայումս օգտագործվող կետային պրոյեկցիայի տեխնոլոգիայի փոխարեն։

Այս տեխնոլոգիան տարբերվում է ներկայիս iPhone-ի մոդելներում կիրառվող դեմքի սկանավորման համակարգից։

Ներկայիս TrueDepth տեսախցիկները նախատեսված են փոքր հեռավորության համար։

Այնինչ եռաչափ տեխնոլոգիայի նկարահանման հեռավորությունը կարող է 5 մետր լինել այն դեպքում, երբ այսօր 3D տեսախցիկները կարող են աշխատել միայն 25-50 սմ հեռավորության վրա։

Լազերային «եռաչափ» տեխնոլոգիայի շնորհիվ սմարթֆոնը կկարողանա ավելի լավ ճանաչել մակերևույթները և առարկաները վիրտուալ իրականության (AR) հետ կապված հավելվածներում:

Այս նոր տեսախցիկները թույլ կտան Apple-ին առաջադիմել նաև անալոգային համակարգի՝ AR ակնոցների ստեղծման հարցում։

Համաձայն աղբյուրներից մեկի 3D տեսախցիկ ունեցող առաջին սարքը կլինի iPad Pro պլանշետը, որը շուկա դուրս կգա 2020-ին:

Սակայն 2019 թվականի iPad Pro-ին էական փոփոխություններ չեն սպասվում։

Հիշեցնենք, որ այս տարի Apple-ը պատրաստվում է ներկայացնել iPhone XS, iPhone XS Max և iPhone XR սմարթֆոնների թարմացված տարբերակները։ Եվ ինչպես արդեն նշեցինք դրանք կարող են ստանալ եռակի տեսախցիկներ։

Եռակի տեսախցիկը թույլ կտա iPhone-ներին լուսանկարել և տեսանյութեր նկարահանել դիտման լայն անկյունով: Նշենք, նաև որ ամերիկյան ընկերության մրցակիցները՝ Huawei-ին և Samsung-ը, արդեն վաճառում են սմարթֆոններ եռակի տեսախցիկներով։

 

 

Share.