Apple-ը կարող է նոր MacBook Air թողարկել

0

Մենք անդադար լսում ենք նոր Retina MacBook-ի մասին, ինչպես նաև նոր MacBook Pro-ի մասին, որը պիտի լինի ավելի բարակ և հզոր, մինչդեռ, MacBook Air-ը, կարծես թե անուշադրության է մատնվել:

Չնայած որ ոչ ոք չի կարող հստակ պնդել, որ հաջորդ ամիս սպասվում է նոր MacBook Air, սակայն վերջին հետազոտությունները ենթադրում են, որ, դա այնուամենայնիվ, հնարավոր է:

DigiTimes Research– ի համաձայն՝  Apple-ը եկող ամիս թողարկելու է երեք նոր նոթբուք-արտադրանք: Երեք հավանական թեկնածուներն են նոր 13 և 15 դյույմանի MacBook Pro-երը, և, հավանաբար, թարմացված 13 դյույմ MacBook Air-ը: Նոր Pro մոդելները, իհարկե, սպասվում էին, իսկ ահա  նոր Air-ը կլինի անակնկալ:

Սակայն դեռևս շատ աղոտ է, թե կոնկրետ ինչ թարմացումներ են մեզ սպասվում: Միայն պրոցեսորն ու RAM-ը հզորացնելով՝ Apple-ը չի կարողանա MacBook Air-ը դարձնել մրցակցային նոթբուք, քանի որ դրա մեծ չափն ու «հնաոճ» էկրանը այն դուրս են թողնում մրցակցությունից:

Շատ ցանկալի թարմացումներ կլինեն Retina էկրանը, ավելի բարակ կառուցվածքը, նոր պորտերը, ինչպես նաև  Intel-ի վերջին պրոցեսորները: Այդ ամենը թույլ կտա ներկայացնել MacBook Air, որին մարդիկ երկար են սպասել:

Սակայն կա մի խնդիր՝ 13 դյույմ  MacBook Air-ը երկար ժամանակ հանդիսացել է Apple-ի ամենամատչելի տարբերակը, և եթե թարմացումից հետո դա շարունակի պահպանվել, ապա Retina MacBook-ը հնարավոր է չդիմանա այդպիսի մրցակցությանը:

Share.