Apple-ի 4999 $ արժողությամբ ամենահզոր համակարգիչը կհանվի վաճառքի դեկտեմբերի 14-ին։

0

Դեռևս հունիսին կայացած  ամենամյա  WWDC 2017 կոնֆերանսի ընթացքում Apple-ը պաշտոնապես ներկայացրեց իր կողմից երբևէ ստեղծված ամենահզոր iMac Pro համակարգիչը, որը մինչ այժմ չի հայտնվել վաճառքում։ Սակայն երեկ արդեն իսկ հայտնի է դարձել, որ iMac Pro-ն դուրս կգա վաճառքի դեկտեմբերի 14-ին։ Մեկնարկի ամսաթվի մասին այս տեղեկությունը հայտնվել է ընկերության պաշտոնական կայքում:

Իհարկե, դեռևս անհայտ է մնում՝ արդյոք համակարգիչն արդեն հնարավոր կլինի ձեռք բերել այդ օրը, թե հնարվոր կլինեն տեղադրել միայն նախնական պատվերներ:

Արտաքինից համակարգիչը գրեթե չի տարբերվում նախկին մոդելներից, սակայն վերջինս աչքի ընկնում իր տեխնիկական բնութագրով։

Այսպիսով, ընկերության համակարգչային շարքի ամենահզոր մոդելը՝ iMac Pro-ն համալրված է 8–18 միջուկանի Intel Xeon պրոցեսորով (ըստ նախընտրության), Radeon Pro Vega տեսաքարտով, 32GB DDR4 ECC օպերատիվ հիշողությամբ, որը հնարավոր կլինի ընդլայնել մինչև 128GB և 27 դյույմանոց 5K Retina էկրանով (5120 x 2880 պիքսել):

Համակարգիչը ունի չորս Thunderbolt 3 USB-C և USB 3 պորտեր, ինչպես նաև 1-ից մինչև 4TB SSD-ի հնարավորություն։

iMac Pro-ն հասանելի կլինի բացառապես մուգ մոխրագույն տարբերակով։

Նշենք, որ ընկերության պատմության մեջ ամենաարագ Mac-ի մեկնարկային գինը կկազմի 4999 դոլար ԱՄՆ տարածքում:

og_imageimac-pro-backDBk8TOIW0AA4Zth.jpg large

imacprothermaldesign-800x451

Share.