«Bentley»-ն ներկայացրել է «Bentayga»-ի՝ սահմանափակ քանակութեամբ արտադրված մոդելը

0

Բրիտանական «Bentley» լյուքս դասի մեքենաշինական ընկերությունը ներկայացրել է «Bentayga» արտաճանապարհային մեքենայի նոր մոդելը, որը արտադրվել է սահմանափակ քանակությամբ։

Ինչպես նշվում է «Luxury Launches» պարբերականում մեքենան արտադրվել է բացառապես ճապոնական շուկայի համար՝ընդամենը 10 օրինակով: Այս նոր մոդելը ընկերությունը կոչել է Bentley Bentayga by Mulliner։

Հայտնի է, որ մեքենան ենթարկվել է թե ներքին, թե արտաքին փոփոխությունների։ Մինչդեռ վերջինիս տեխնիկական բնութագրի փոփոխության մասին դեռևս տեղեկություններ չեն հրապարակվել, մեքենայի արտաքին և ներքին դիզայներական լուծումների մասին կարելի է պատկերացում կազմել։

Մեքենայի սրահում առանձնահատուկ է փայտյա վահանակը, որի դիզայնի ոգեշնչված է ճապոնական ավանդական մանրահատակից։

Այն ստեղծված է երեք տարատեսակ նյութերի համադրության արդյունքում։ Վահանակներից յուրաքանչյուրի ստեղծման համար պահանջվել է երեք ամիս։

Նորույթի մեկնարկային արժեքը կազմում է 285 000 դոլար:

Նախնական պատվերների առաքումը կսկսվի արդեն 2019 թվականի սկզբին:

Նշենք, նաև որ Bentley-ն ընկերության 100-ամյակին կթողարկի սահմանափակ քանակով բացառիկ մոդել՝ Continental GT-ը, որը կցուցադրվի գարնանը, Ժնևի ավտոսրահում:

Ակնկալվում է, որ հոբելյանական մեքենաները կտարբերվեն մուգ կանաչ գույնի թափքով և «9» համարանիշով։ Նման համարանիշով Blower Bentley-ն հանդես է եկել Լա Մանսում, որտեղ 1930 թվականին այն սահմանել է ռեկորդ: Բացի այդ, հնարավոր է, որ «ինը» թիվը խորհրդանշում է հարյուրամհակի տարիները `1919-2019:

Բացի այդ ընկերության հիմնադրման 100-ամյակի շրջանակներում Bentley-ն կհրատարակի գիրք, որը կպատմի բրենդի պատմության մասին:

Edition Bentley Centenary Opus-ը կհրատարակվի երեք տարբերակով `Mulliner, Centenary և Crewe: Առաջին երկուսը կտպագրվեն մեծ ֆորմատով, իսկ վերջինը կունենա ավելի կոմպակտ չափ։

Share.