CES 2019-ին ներկայացված ամենաուշագրավ տեխնոլոգիական նորույթները։

0

Օրեր առաջ Լաս Վեգասում անցկացված CES 2019 տեխնոլոգիական ցուցահանդեսի շրջանակներում ներկայացվեցին մի շարք նորույթներ։ Ինչպես հայտնի, այնպես էլ  սկսնակ ընկերությունները հանրությանը ցուցադրեցին իրենց տեխնոլոգիական նորարարություններ և անհավանական կոնցեպտները։

Այնպես, որ ստորև Ձեր ուշադրությանն ենք ներկայացնում ցուցահանդեսի լավագույն  և ամենահետաքրքիր սարքերը։

Royole FlexPai ճկվող պլանշետ

Քիչ հայտնի Royole ընկերությունը ցուցահանդեսի շրջանակներոմ ներկայացրեց ամենահետաքրքիր սարքերից մեկը: Ճկվող պլանշետը հագեցած է 7.8 դյույմ OLED էկրանով, որը ճկվում է 180 աստիճան։ Բացի այդ սարքը համալրված է հզոր Qualcomm Snapdragon 855 պրոցեսորով, 6-ից մինչև 8 GB օպերատիվ և 128-ից մինչև 256 GB ներքին հիշողությամբ, ինչպես նաև 20 մեգապիքսել հզորությամբ երկակի տեսախցիկ: Առաջին հայացքից թվում է, որ սա կոնցեպտ է սակայն ընկերությունը արդեն իսկ սահամանել է նոր սարքի գինը՝ 1300 դոլար:

 

Գլանակի պես փաթաթվող հեռուստացույց

Հարավկորեական LG ընկերությունը վերջապես ներկայացրել է  Signature OLED TV R9  հեռուստացույցը, որը գալանակի պես ծալվելով հավաքվում է իր պատյանի մեջ և արդյունքում մնում է միայն տակդիրը։ Նշենք, որ 65 դյույմ անկյունագծով հեռուստացույցը միացված ժամանակ որևէ արտառոց բանով աչքի չի ընկնում:

Ավտոմատ դիմահարդարում

Procter & Gamble ամերիկյան ընկերությունը ստեղծել է ավտոմատ դիմահարդարում անող սարք, որը կոչվում է Opté Precision Skincare System։ Վերջինս աշխատում է հետևյալ ձևով՝ սքանավորում է դեմքը, որոշում մաշկի գույնը, պիգմենտացիան, հայտնաբերում բոլոր թերություններն և այնուհետև հարդարում է դեմքը՝  քողարկելով թերությունները։

Թռչող տաքսի

Եթե մտածում էիք, թե երբ եք վերջապես կարողանալու խուսափել ճանապարհային խցանումներից, և երթևեկել օդային տրանսպորտով, ապա ժամանակն եկել է։ Bell Helicopter-ը ներկայացրել է Nexus թռչող մեքենայի նախատիպը, որն արդեն կիրառելի է քաղաքներում, քանի որ այն կարող օդ բարձրանալ և իջնել բոլոր այն տարածքներում, որտեղ կա որոշակի հարթակ՝ շենքի տանիք, բացատ և այլն։ Նշենք, որ Nexus-ը կարող է տեղափոխել 2,7 տոննա ծանրություն և արդեն 2021 թվականին այն կմտնի կիրառության մեջ։ Այն հնարավոր կլինի պատվիրել հեռախոսների համապատասխան հավելվածի միջոցով պատվիրել, ինչպես հասարակ տաքսի։

 

Լիցքավորվում չպանահջող «խելացի» ժամացույց

Հետաքրքիր նորույթների շարքում է նաև Matrix Power Watch 2 «խելացի» ժամացույցը, որը լիցքավորվում է մարդու մարմնի ջերմությամբ և չի պահանջում այլ էներգիայի աղբյուր: Բացի այս ուշագրավ առանձնահատկությունից, ժամացույցը ջրակայուն է, ցույց է տալիս հեռախոսի ծանուցումները, ինչպես նաև հետևում է կրողի առողջական վիճակին:

Share.