Չինաստանը պատրաստվում է «արհեստական Լուսին» ուղարկել տիեզերք

0

Չինաստանը հայտնել է 2020 թվականին ուղեծիր «արհեստական Լուսին» դուրս բերել իր մտադրության մասին։

Չինաստանի Չենդու քաղաքի հետազոտական ինստիտուտի մասնագետները արդեն մշակել են «արհեստական լուսին», այսինքն՝ լուսավորության համար նախատեսված արհեստական արբանյակ։

Ծրագրի բոլոր գաղտնիքները գիտնականները չեն բացահայտել, սակայն նշել են, որ արհեստական արբանյակ ստեղծելու գաղափարը առաջացել է ֆրանսիացի նկարչի կտավներից, որոնցից մեկում պատկերված է հայելիների շարք, որը շրջապատում է Երկիր մոլորակը և արտացոլում է լույսը:

Իհարկե, «լուսատու արբանյակի» փորձարկումները սկսվել են դեռևս մի քանի տարի առաջ, սակայն ներկայումս, ինչպես նշում են, հետազոտական խմբի անդամները այն գրեթե պատրաստ է գործարկման համար։

Ինչպես նշվում է, «Արհեստական լուսնի» լուսավորությունը գրեթե 6 անգամ կգերազանցի լուսնի իրական լույսը: Մասնագետների գնահատմամբ այն կլինի մոտ 8 անգամ ավելի ինտենսիվ և կտարածի մեղմ լույս։ Նման պայծառ լուսավորությունը պայմանավորված է այն հանգամանքով, որ վերջինս գտնվելու է Երկրից ընդամենը 500 կիլոմետր բարձրության վրա։ Այնինչ Լուսնի հեռավորությունը Երկիր մոլորակից 380 հազար կիլոմետր է։

Նման ուժեղ լուսավորություն ունեցող արհեստական արբանյակը կկարողանա լուսավորել Երկիր մոլորակի մակերեսը 10-ից մինչև 80 կմ տրամագծով։ Նշենք նաև, որ լուսավորվող հատվածը կարող է ընտրվել ամենայն ճշգրտությամբ:

Եվ քանի որ արհեստական արբանյակի լույսը լինելու է մեղմ և ցրված, այն ոչ մի բացասական ազդեցություն չի ունենա գիշերային կենդանիների և շրջակա միջավայրի վրա։

Արհեստական արբանյակը կօգտագործվի գիշերը՝ որպես Լուսնի լրացում, ինչպոս նաև կծառայի որպես այլընտրանքային լույսի տարբերակ փողոցային լուսատուների փոխարեն:

 «Եթե առաջին «Արհեստական լուսնի» արձակումը դեպի ուղեծիր հաջող լինի, ապա ևս երեք այդպիսի օբյեկտներ կարձակվեն տիեզերք 2022 թվականին», – նշել է նախագծի տնօրեն՝ գիտական ասոցիացիայի ղեկավար՝ Չունֆենին։

Share.