Չինաստանում ներկայացվել է աշխարհում առաջին ռոբոտ հեռուստահաղորդավարը։

0

«Սինհուա» չինական լրատվական գործակալությունը համագործակցելով Sogou ինտերնետ ընկերության հետ ներկայացրել է աշխարհում առաջին վիրտուալ հեռուստահաղորդավարին, որն օժտված է արհեստական բանականությամբ։

Համալրված լինելով արհեստական բանականությամբ՝ ռոբոտը ունակ է նույնքան բնական և հուզական ընթերցել նորությունները, որքան դա անում են իրական հաղորդավարները:

Թվային հեռուստահաղորդավար ստեղծողները պնդում են, որ արհեստական բանականությունը հնարավորություն է տալիս վերլուծել «իրական» մարդու խոսելաձևը, ժեստերը, դիմախաղը, էմոցիաները, շարժուձևը, ձայնը և այնուհետև ճշգրիտ վերարտադրել դրանք:

Արտադրողների կարծիքով, վիրտուալ հեռուստահաղորդավարն ունի մի շարք կարևոր առավելություններ։

Օրիանկ, ի տարբերություն «հասարակ» մարդու, այն կարող է աշխատել առանց հանգստի՝ 24 ժամ անդադար։ Բացի այդ թվային հաղորդավարը խոսում է առանց վրիպակների:

Ըստ «Սինհուա» գործակալության, այս ռոբոտը թույլ կտա էապես կրճատել ավելորդ ծախսերը լրատվական ոլորտում և բարձրացնել արտադրողունակությունը։

Թվային հեռուստահաղորդավարով հաղորդում ստեղծելու համար անհրաժեշտ է ընդամենը ներբեռնել իրական հաղորդավարի պատկերով ու նրա ընթերցած տեքստով տեսանյութ, որից հետո ծրագիրը վերլուծելով ինֆորմացիան ներկայացնում է հաղորդման հոլոգրաֆիկ կրկնօրինակը:

Ստորև ներկայացնում ենք տեսանյութ, որում վիրտուալ հաղորդավարը արտասանում է տեքստը անգլերեն լեզվով:

Նշենք, որ թվային հեռուստահաղորդավարը շնորհանդեսը տեղի է ունեցել «Համացանցի կառավարման հարցերով» համաշխարհային համաժողովի շրջանակում:

Share.