Ռետրո ոճի էքսկլյուզիվ iPhone 7

0

Վերջին մի քանի տարիներին ColorWare-ը ներկայացնում է Apple-ի արտադրանքների հատուկ edition-ները՝ էքսկլյուզիվ դիզայնով, որոնք հիշեցնում են վինտաժային Macintosh արտադրանքները: Այս շաբաթ կազմակերպությունը ներկայացրել է  iPhone 7 Plus-ի իր հատուկ տարբերակը:

1

iPhone 7 Plus-ի Retro Edition-ը մշակվել է 1980-ականների ոճին համապատասխան մարմնագույն գույնով: Հեռախոսի կորպուսի մուգ գծերը դրան հաղորդում են հին համակարգիչներին հատուկ տեսք՝ ամբողջացնելով ռետրո կերպարը: Իսկ Apple-ի հայտնի միագույն լոգոն նոր տարբերակում գունազարդված է ծիածանի գույներին համապատասխան:

retro-iphone-7-plus-3

ColorWare-ը ավելի վաղ ներկայացրել էր մի շարք այլ ռետրո-ոճավորված Apple-ի արտադրանքներ՝ MacBook Air, MacBook, iMac և iPhone 6S, որոնք վաճառքի էին հանվել խիստ սահմանափակ քանակով: Իսկ ահա   iPhone 7 Plus Retro Edition-ը հասանելի կլինի բոլոր ցանկացողների համար:

maxresdefault

Սակայն պետք է հաշվի առնել, որ այն բոլորովին մատչելի չէ: Ռետրո ոճի էքսկլյուզիվ iPhone-ը հասանելի է միայն unlocked, 256GB մոդելով $1,899 արժողությամբ: Այս գինը գրեթե կրկնապատիկն է Apple-ի սովորական հեռախոսի  $969 արժողության: Այն համեմատելի է օրիգինալ Macintosh-ի արժեքի հետ, որը կազմում էր $2,495 1984 թ.-ին:

Share.