Համաշխարհային ցանցի ստեղծողը պայքարում է ինտերնետի չեզոքության պահպանման համար

0

Օրեր առաջ ԱՄՆ Կապի դաշնային հանձնաժողովի (FCC) ղեկավար Էջիթ Փեյին հայտարարել է ցանցի չեզոքության մասին (net neutrality) օրենքների վերանայման անհրաժեշտության մասին: Նոր օրինագիծը քվեարկության է դրվելու մայիսի 18-ին: Իսկ մինչ այդ երկու կողմերը իրենց կարծիքներն են հայտնում հարցի շուրջ:

Թիմ Բեռներս-Լին, ով հայտնի է որպես համաշխարհային ցանցի ստեղծող, համաձայն չէ Փեյիի հետ և կարծում է, որ գերարագ ինտերնետը պետք է կարգավորել  այնպես, որ ինտերնետ ծառայություն ապահովողներին չթույլատրվի բովանդակության հարցում նախընտրություններ սահմանել:

Բեռներս-Լին նշում է, որ համաշխարհային ցանցը ստեղծելիս ինքը որևէ մեկից թույլտվություն չի հարցրել, դա չեն արել նաև Ամերիկայի ինտերնետային ոլորտի հաջողակ ձեռնարկատերերը, երբ սկսել են իրենց բիզնեսները: Գիտնականը կարծում է, որ ամբողջ պոտենցիալով գործածվելու համար ինտերնետը պետք է մնա ազատ գոտի նորարարության, ստեղծարարության և ազատ արտահայտման համար:

n99dNFe4dwLSDhq8GbfNrf-650-80

«Ժամանակակից աշխարհում կազմակերպությունները չեն կարող գոյատևել առանց  ինտերնետի, իսկ մուտքը դեպի ինտերնետ նրանց համար ապահովում են ընդամենը մի քանի պռովայդերներ: Կապի դաշնային հանձնաժողովը ցանկանում է թույլ տալ ինտերնետ ծառայություններ ապահովողներին որոշել, թե ինչ կոնտենտ պիտի մատուցվի օգտատերերին, ինչը, իրականում, հետընթաց է»:

Այս կարծիքը կիսում են նաև տեխնոլոգիական ոլորտի բազմաթիվ կազմակերպություններ և սպառողներ, քանի որ օրինագծի ընդունման դեպքում գերարագ ինտերնետ պռովայդերները կարող են իրավիճակն օգտագործել ի շահ սեփական հետաքրքրությունների, օրինակ՝ Netflix-ի նման կազմակերպությունների համար վճարներ ավելացնելու միջոցով:

Հակառակ կողմի ներկայացուցիչները պնդում են, որ ներկա իրավիճակը խանգարում է ինտերնետ ծառայություն ապահովողներին նոր տեխնոլոգիաների ոլորտում ներդրումներ կատարելու, ինչպես օրինակ՝ ավելի արագ ենթակառուցվածքներն են: Փեյին նշում է,  որ որքան ավելի խիստ է որևէ ոլորտի կառավարումը, այնքան ավելի քիչ է դրա արդյունավետությունը:

Այս առումով, պետք է նշել, որ Verizon-ը անցյալ շաբաթ հայտարարել է օպտիկամանրաթելային մալուխներ գնելու՝ $1.05 միլիարդ արժողությամբ գործարքի մասին իր անլար ցանցը զարգացնելու նպատակով:

Կապի դաշնային հանձնաժողովի օրինագծին կարող եք ծանոթանալ այստեղ:

Share.