Դուբայում այժմ գործում են «խելացի» հետիոտնային անցումներ

0

Միացյալ Արաբական Էմիրությունների Դուբայ քաղաքում գործարկվել են նոր, առավել անվտանգ հետիոտնային անցումներ: Դուբայի ճանապարհատրանսպորտային հարցերով զբաղվող կոմիտեն տեղակայել է լուսավորվող «զեբրները» Ալ Սաադա փողոցում՝ Դուբայի միջազգային ֆինանսական կենտրոնի շրջանում: Այս նորարարական տեխնոլոգիան թույլ է տալիս հետիոտներին կրճատել փողոցն անցնելու համար սպասման ժամանակը:

Բացի այդ, «խելացի» անցումները նպաստում են մարդկանց մոտ քայլելու ցանկության խթանմանը և ճանապարհատրանսպորտային պատահարների կրճատմանը: Հիմնական ճանապարհի վրա տեղակայված «լույսերը» հաշվարկում են հետիոտների շարժման  ուղղությունները՝ դրանց համապատասխանեցնելով լուսակրի աշխատանքը:

9836

Դուբայի ճանապարհատրանսպորտային կոմիտեի ներկայացուցիչ Մետա բին Ադայը նշել է, որ նոր հետիոտնային անցումները բարձրացնում են հետիոտների անվտանգության մակարդակը. «Օպերացիոն համակարգը հաշվարկում է, թե ինչքան ժամանակ է հարկավոր, որպեսզի հետիոտնը անցնի ճանապարհը և, երբ «զգում է», որ մայթին այլևս ոչ ոք չկա, փոխում է լուսակրի ազգանշանը»:

Նա ավելացրել է նաև, որ լուսակիրները ամբողջովին սինխրոնիզացված են գետնին տեղակայված օպտիկական հետևող համակարգի հետ և աշխատում են շատ հստակ: Ներկայումս կոմիտեն ակտիվորեն զգաղվում է Դուբայի այլ ծանրաբեռնված հատվածներում նման անցումների  տեղակայման պլանավորմամբ:

 

Share.