Facebook-ը թույլ կտա ջնջել ուղարկված հաղորդագրությունները։

0

Facebook սոցիալական ցանցում գործարկվել է նոր գործառույթը, որը հնարավորություն է տալիս ջնջել ուղարկված հաղորդագրությունները։

Նախկինում սա կարող էր անել միայն սոցիալական ցանցի հիմնադիր Մարկ Ցուկերբերգը։

Ինչպես հայտնել է ընկերությունը, նոր գործառույթը թույլ կտա օգտատերերին 10 րոպեի ընթացքում հեշտությամբ ջնջել սխալմամբ կամ սխալ մարդու ուղարկված հաղորդագրությունը:

Հաղորդագրությունը հեռացնելու համար անհրաժեշտ կլինի ուղակիորեն սեղմել հաղորդագրության վրա։

Ընդ որում օգտատերը կարող է ընտրել էկրանին հայնտված երկու տարբերակներից որևէ մեկը։ Տարբերակները հետևյալն են՝ «ջնջել բոլորի համար» կամ «ջնջել քեզ համար»:

Ընտրելով առաջին տարբերակը կարելի է հեռացնել անցանկալի հաղորդագրությունը երկխոսության բոլոր մասնակիցների համար։

Նշենք, նաև որ երկխոսության բոլոր մասնակիցները հաղորդագրությունը հեռացնելուց հետո կստանան ծանուցում։

Նոր գործառույթը արդեն իսկ հասանելի է բոլոր օգտատերերի համար թե iOS, թե Android օպերացիոն համակարգերի վերջին տարբերակներում։

Հիշեցնենք, որ այս գործառույթը մշակելու մասին ընկերությունը հայտարարել էր դեռևս 9 ամիս առաջ, այն բանից հետո երբ օգտատերերը պարզել էին, որ Facebook սոցցանցի հիմնադիր Մարկ Ցուկերբերգը և մի շարք այլ ղեկավարներ կարողանում են ջնջել իրենց ուղարկած հաղորդագրությունները:

Օգտատերերից շատերը պահանջել էին, որ նման հնարավորություն պետք է տրվի բոլորին, ինչից հետո սոցցանցի ղեկավարությունը խոստացել էր մշակել նման գործառույթ մի քանի ամսվա ընթացքում:

 

Share.