Հետաքրքիր փաստեր նոթբուքների մասին:

0

Տեղեկատվական տեխնոլոգիաները մեր կյանք են ներխուժել և դարձել դրա անբաժանելի մի մասը: Իհարկե, այսօր շատերն են օգտվում համակարգիչներից և նոթբուքներից, սակայն շատ քչերը գիտեն նոթբուքների ստեղծման պատմությունը կամ զավեշտալի փաստերը վերջիններիս մասին։

Այնպես որ, ստորև կներկայացնենք մի քանի հետաքրքիր փաստ նոթբուքների մասին։

Նոթբուքի ստեղծման գաղափարը պատկանում է գիտնական Ալան Քեյին:

Դեռևս 42 տարի առաջ նա առաջարկում էր ստեղծել շարժական մի սարք, որը նման կլինի գրքի, կունենա հարթ էկրան և  կպահի իր մեջ անհարժեշտ ամբողջ ինֆորմացիան: Սակայն դրանից միայն 10 տարի անց ստեղծվեց աշխարհի առաջին նոթբուքը` Grid Compass-ը:

Առաջին նոթբուքը ստեղծվել է NASA-Ի պատվերով և արժեր 8000 $:

Վիճակագրության համաձայն` նոթբուքների սեփականատերերի 68%-ը օգտագործում է այն աշխատանքի համար, 21% -ը` զվարճանքի (խաղեր, ֆիլմերի դիտում), իսկ 9%-ը՝ ուսուցման համար։

Հետաքրքիր փաստ է, որ 80-ական թվականներին ամերիկացիներն այնքան զբաղված էին, որ նույնիսկ ժամանակ չունեին գնալ գրասենյակ և տպել փաստաթղթերը: Այդ իսկ պատճառով ստեղծվեցին նոթբուքներ կցված տպիչներով (printer), որոնք կշռում էին ավելի քան 7 կգ:

 

 

 

 

 

 

Կա ընդունված կարծիք, որ աշխարհի ամենաթեթև նոթբուքը ներկայացրել է Sony-ն, սակայն դա այդպես չէ։ Ամենաթեթև նոթբուքը համարվում է կորեական UMIM1-ը։  Այն կշռում է 315 գրամ սակայն զավեշտալին այն է, որ նոթբուքն ունի 40 GB RAM, և աշխատում է հատուկ մշակված մարտկոցով:

Աշխարհի ամենաթանկ նոթբուքը արժե 1.000.000 $: Luvaglio ընկերության կողմից ստեղծված նոթբուքը զարդարված է ադամանդներով և այլ թանկարժեք քարերով, իսկ առաջնային մասը պատված՝ հազվագյուտ կենդանու կաշվով։

 

 

 

Մի քանի տարի առաջ արտադրության են դուրս եկել նաև հատուկ նոթբուքներ կանանց համար: Դրանք արտաքնապես տարբերվում են ստանդարտ նոթբուքներից։ Օրինակ էկրանի վերևի հատվածում տեղակայված հայելի, ինչպես նաև ստեղնաշարի մոտ կա հատուկ տեղ՝ կոսմետիկայի և այլ պարագանների համար:

Share.