iPhone X–ի մատչելի կրկնօրինակները

0

iPhone X-ը, շնորհիվ իր ժամանակակից տեխնիկական պարամետրերի և յուրահատուկ դիզայնի, մեծ պահանջարկ ունեցավ ամբողջ աշխարհում: Բայց, իհարկե, իր՝ համեմատաբար բարձ արժեքի պատճառով ոչ բոլորը կարող են իրենց թույլ առաջատար այս սմարթֆոնը։ Եվ մինչ շատերը շարունակում են հիանալ Apple–ի՝ մեծ աղմուկ հանած Iphone X–ով, շուկայում աննկատ կերպով, մեկը մյուսի հետևից հայտնվում են վերջինիս կրկնօրինակները։

Նորություն չէ, որ MWC 2018 տեխնոլոգիական ցուցահանդեսի շրջանակներում չինական մի շարք ընկերություններ արդեն իսկ ներկայացրել են մի քանի սմարթֆոն, որոնք իրենց արտաքին տեսքով, գրեթե, չեն տարբերվում Iphone X–ից։

Այնպես, որ ստորև Ձեր ուշադրությանն ենք ներկայացնում Apple ընկերության iPhone X սմարթֆոնի լավագույն կրկնօրինակները։

Doogee V

Չինական Doogee ընկերությունը պաշտոնապես ներկայացրել է Doogee V սմարթֆոնը, որն իր դիզայնով շատ նման է Iphone X–ին, սակայն տեխնիկական բնութագրով զիջում է վերջինս։ 6.2 դյույմանոց էկրանով Doogee V սմարթֆոնում դեմքի նույնականացման համակարգը՝ Face ID-ն, բացակայում, փոխարենը այն համալրված է մատնահետքի սենսորով։

Բացի այդ Doogee V-ն աշխատում է Android օպերացիոն համակարգով։

1Asus ZenFone 5

Բարսելոնայում կայացած շնորհանդեսի ընթացքում Asus ընկերությունը ներկայացրեց իր նոր ZenFone 5 սմարթֆոնը, որն, ինչպես ինքներդ եք տեսնում, արտաքնապես չի տարբերվում Iphone X–ից, սակայն գնային առումով շատ ավելի մատչելի է։ Վերջինսիս արժեքը մոտավորապես 400 եվրո է։

2Ulefone T2 Pro

Ulefone ընկերությունը չի սահմանափակվել և ներկայացրել է սմարթֆոնի ոչ թե մեկ, այլ երկու տարբերակ՝ Ulefone X-ը և T2 Pro-ն: Ulefone T2 Pro համալրված է նոր Helio P70 պրոցեսորով և 8 GB օպերատիվ հիշողությամբ։ Երկու սմարթֆոններն էլ աշխատում են Android օպերացիոն համակարգով։

3Leagoo S9

Չինական Leagoo ընկերությունը ներկայացրել է S9 սմարթֆոնը, որն առաջին հայացքից շատ դժվար է տարբերել iPhone X-ից» Իհարկե դիզայներները փորձել են կրկնօրինակել iPhone X-ի արտաքին տեսքը, սակայն
նրանց այս անգամ նույնպես չի հաջողվել համալրել սմարթֆոնը FaceID համակարգով։

4NOA N10

Ներկայացված սմարթֆոնների շարքում, այս կրկնօրինակը երևի թե միակն է որ օժտված է Face ID տեխնոլոգիայով, ինչպես Apple–ի Iphone X–ը։
NOA N10 սմարթֆոնի արժեքը կազմում է մոտավարապես 300 եվրո։

5Oukitel U18

Oukitel չինական ընկերության U18 սմարթֆոնի նույնպես հանդիսանում են iPhone X մոդելի կրկնօրինակը։ Սմարթֆոնի արժեքը  150-180 դոլար է։

6

Share.