Ի՞նչպես «փրկել» նոթբուքը, եթե վրան ջուր է թափվել

0

Եթե նոթբուքի դիմաց աշխատելիս սիրում եք խմել թեյ, սուրճ կամ որևէ այլ հեղուկ, ապա պետք է գիտակցեք, որ հետևանքները կարող են լինել կործանարար։ Բարեբախտաբար, նոթբուքի վրա ջուր թափելու դեպքում կարելի է փրկել համակարգիչը ինքնուրույն, հետևելով ստորև նշված քայլերին՝

Անջատե՛ք նոթբուքը

Պատահարից անմիջապես հետո համակարգիչը պետք է անջատել։ Համոզվեք, որ սարքի սնուցման կոճակը չոր է և սեղմած պահեք այն, մինչև նոթբուքը ամբողջությամբ կանջատվի։

Անջատե՛ք նոթբուքը հոսանքի ցանկացած աղբյուրից

Ինչպես արդեն գիտեք ջրի և էլեկտրաէներգիայի համադրությունը ապահով չէ թե՛ նոթբուքի, թե՛ Ձեզ համար։ Այնպես որ, եթե նոթբուքը միացված է հասանցքի աղբյուրին, ապա անհրաժեշտ է անմիջապես հանել լիցքավորման լարը հոսանքի աղբյուրից և նոթբուքից։

aid2808500-v4-728px-Save-Your-Laptop-After-Water-Damage-with-Rice-Step-2-Version-2Հեռացրե՛ք բոլոր սարքերը

Հաջորդիվ, պետք է անջատել նոթբուքին միացված բոլոր հավելյալ սարքերը, ինչպես օրինակ՝ հեռացնել մարտկոցը, եթե այն շարժական է, ֆլեշը, հիշողության քարտը, մկնիկը և այլն։ Այս աքսեսուարները նույնպես կարող են վնասվել ջրից։

aid2808500-v4-728px-Save-Your-Laptop-After-Water-Damage-with-Rice-Step-3-Version-2Շրջե՛ք նոթբուքը

Այս ամենից հետո, նոթբուքը հարկավոր է շրջել հակառակ կողմի վրա` ստեղնաշարը դեպի ներքև, որպեսզի նրա մեջ լցված հեղուկը դուրս հոսի։

Չորացրե՛ք նոթբուքը

Այժմ չորացրեք սարքը՝ օգտագործելով անձեռացիկ կամ բամբակե սրբիչ։ Մանրակրկիտ չորացրեք այն և հատկապես ուշադրություն դարձրեք ստեղնաշարին, մարտոկցին և, իհարկե, չմոռանաք սրբել նաև USB անցքերը։ Այնուհետև բացեք նոթբուքը այնպես, որ ստեղնաշարը և էկրանը հնարավորինս նույն հարթության վրա գտնվեն։ Ապա դրեք այն չոր սրբիչի վրա և թողեք առնվազն մի քանի ժամ, որպեսզի ջրի մնացորդները դուրս հոսեն։

Միացրե՛ք նոթբուքը

Մի քանի ժամ սպասելուց հետո, միացրեք նոթբուքը և ստուգեք, արդյոք այն աշխատում է, թե ոչ։ Եթե ոչ, ապա հավատացեք, որ դուք արել եք հնարավոր այն ամենը ինչ կարող էիք, և այժմ եկել է ժամանակը դիմել մասնագետի։

Եթե սարքի վրա թափվել է մաքուր ջուր, ապա վերը նշված քայլերի շնորհիվ նոթբուքը փրկելու հավանականությունը մեծ է, մինչդեռ այլ հեղուկների (հյութ, սուրճ, գինի, թեյ) դեպքում ամեն ինչ բարդանում է, քանի որ շաքարավազը և այլ հավելումներով հեղուկները կարող են հավելյալ վնասներ հասցնել սարքին։ Օրինակ՝ ստեղնաշարը կարող է կպչուն դառնալ և չգործել։

Այսպիսով, եթե չորաացրած նոթբուքն այլևս չի միանում, ապա պատճառները կարող են լինել տարբեր։ Հստակ պատճառը իմանալ և հնարավոր է միայն մասնագիտական փորձազննությունից հետո։

Share.