Microsoft-ը վճարում է $ 250,000 բոլոր նրանց, ովքեր Windows 10-ում կհայտնաբերեն սխալներ

0

Այսօր Microsoft-ը կրկին վերսկսել է նոր Windows Bounty-ի ծրագիրը, որը նախատեսված է ընդլայնել արդեն իսկ գոյություն ունեցող անվտանգության bug bounty բոնուսային ծրագրերը: Նախկինում ծրագրային հսկան վճարել է $ 100,000 Windows 8.1 օպերացիոն համակարգում ծրագրային սխալների հայտնաբերողներին, սակայն այս անգամ ծրագրային հսկան պատրաստ է վճարել ավելի շատ գումար Windows 10-ում կամ Windows Server-ի օպերացիոն համակարգերում վտանգավոր Hyper-V խախտումներ և սխալների գտնողներին:

Microsoft ընկերությունը այժմ վճարում է մինչեւ $ 250,000 կարևոր Hyper-V խոցելիությունների համար, այն ինչ նախկինում Microsoft Edge-ում կամ Windows 10-ում անվտանգության սխալների հայտնաբերման դիմաց պարգևատրումը հասնում էր մոտավորապես մինչև $ 15,000:

«Անվտանգությունը անընդհատ փոխվում է և կախված ժամանակահատվածից մենք կարևորում ենք տարբեր տեսակի ծրագրային սխալներըն», – բացատրում է Microsoft ընկերության ներկայացուցիչը։ «Microsoft-ը կարևորում է նմանատիպ բոնուսային նախագծերը և հավատում է Windows Bounty-ի ծրագրի արդյունքին, ինչպես նաև արժեքավորում այն»:

Նոր Windows Bounty ծրագիրը մեկնարկում է այսօր, և կշարունակի գործել անորոշ ժամանակահատվածով ըստ Microsoft-ի հայեցողության: Բոլոր նրանք, ովքեր հայտնաբերեն Windows-ի և համակարգի մի շարք անհատական հատկությունների վրա ազդող ցանկացած կարևոր թերություններ կամ սխալներ կպարգևատրվեն գումարով։ Facebook-ը, Google-ը, Apple-ը, Uber-ն և մի շարք այլ տեխնոլոգիական ընկերություններ առաջարկում նմանատիպ բոնուսային ծրագրեր, որոնք նախատեսված գայթակղել հետազոտողներին և վաղաժամ կանխել լայնածավալ կիբեր հարձակումները:

Share.