Motorola-ն կներկայացնի լեգենդար RAZR հեռախոսի նոր մոդելը

0

Motorola ընկերության ամենահայտնի բջջային հեռախոսը՝ լեգենդար Razr V3-ը, առաջին անգամ ներկայացվել է 2004 թվականին։

Վերջինս այդ ժամանակ համարվում էր իրական տեխնոլոգիական հրաշք, որը համադրում էր իր մեջ յուրօրինակ դիզայնը և նորարարական տեխնոլոգիաները: Շնորհիվ այս հատկանիշները հեռախոսը շատ կարճ ժամանակում դարձավ ամենահայտնի և ամենապահանջված սարքերից մեկը շուկայում, չնայած իր համեմատաբար բարձր գնի (500$):

Եվ մոտ 14 տարի անց ընկերությունը պատրաստվում է վերաթողարկել բացվող-փակվող հեռախոսը, և ներկայացնել լեգենդար մոդելի նոր տարբերակը՝ արդիական ճկվող էկրանով:

Այժմ Lenovo-ն (Motorola ապրանքանիշի սեփականատերը) բանակցություններ է վարում Verizon-ի հետ Razr-ը Միացյալ Նահանգների շուկա վերադարձնելու ուղղությամբ։

Նախատեսվում է արտադրության հանել սահմանափակ քանակով սարք՝ մոտ 200 000, ինչը բավական տրամաբանական է: Քանի որ ներկա պահին դժվար է կանխատեսել, թե ինչպես շուկան կընդունի նման սմարթֆոնը։

Նշենք, նաև որ նորույթի գինը կկազմի մոտ 1500 դոլար:

Ընկերությունը որոշում է կայացրել պահպանել հեռախոսի արտաքին դիզայնը, սակայն սարքի էկրանը կլինի ճկվող։ Այնպես որ հեռախոսը իրենից կներկայացնի տեխնոլոգիական նորարարություն: Եվ հենց ճկվող էկրանի պատճառով է, որ հեռախոսի արժեքը այդքան բարձր է։

Այն մասին, թե ինչ տեխնիկական հատկանիշներ կստանան նոր մոդել գրեթե ոչ մի տեղեկատվություն չկա: Ինչպես աարքի տեխնիկական բնութագրի, այնպես էլ անվան վերաբերյալ ինֆորմացիան դեռևս բացակայում է:

Հայտնի է, որ հեռախոսը այժմ գտնվում է փորձարկման փուլում:

Ամենայն հավանականությամբ նորույթը կներկայացվի հանրությանը փետրվարի սկզբին։

Ինչպես արդեն նշեցինք, Razr V3-ը ամենապահանջված բջջային հեռախոսներից էր, այնպես որ տարիներ առաջ Motorola-ն ձեռք բերած՝ Lenovo ընկերությունը հույս ունի այս հեռախոսի նոր մոդելի միջոցով բարձրացնել իր եկամուտը:

Մնում է ավելացնել, որ սա ընկության առաջին փորձը չէ RAZR-ը շուկա վերադարձնել։ 2011 և 2012 թվականներին ընկերությունը Verizon-ի հետ միասին արդեն իսկ թողարկել է Droid RAZR-ը:

Share.