Qualcomm-ը թողարկել է գերարագ 5G մոդեմ` առաջատար սմարթֆոնների համար:

0

Կապի անլար միջոցներ մշակող Qualcomm ընկերությունը հայտարարել է երկրորդ սերնդի Snapdragon X55 5G մոդեմի թողարկման մասին:

Snapdragon X55 5G մոդեմը աջակցում է 5G ցանցերի հաճախականության բոլոր խոշոր տիրույթները: Qualcomm-ը նախատեսում է, որ այն պետք է արագացնի հինգերորդ սերնդի բջջային ցանցերի կապը միջազգային մակարդակով:

7 նանոմետր մոդեմը ապահովում է 6 ԳՀց-ից ավելի ցածր հաճախականության ալիքներ և 5G NR միլիմետր ալիքային տատանումներ, ինչպես նաև մինչև 7 Գբիտ/վրկ ներբեռնման արագությամբ։

Բացի այդ Snapdragon X55 մոդեմը նախատեսված է 4G և 5G ցանցերի միջև դինամիկ սպեկտրների տեղաբաշխման համար, ինչը թույլ է տալիս օպերատորներին արագացնել 5G՝ օգտագործելով արդեն իսկ առկա 4G-ն։

Միևնույն ժամանակ, ի տարբերություն նախորդ Qualcomm X50 5G-մոդեմի (օգտագործվել է սմարթֆոններում 2018-ի սկզբից մինչև 2019 թվականը) նոր մոդեմը թույլ է տալիս օգտվել ինչպես standalone (զանգերի և տվյալների փոխանցման աջակցություն միայն 5G ցանցում) այնպես էլ non-standalone կապից (տվյալների փոխանցում 5G-ում, աուդիո փոխանցում՝ 4G կամ 3G ցանցում):

Snapdragon X55-ը կստանա լայն կիարառում տարատեսակ սարքերի շրջանում, ինչպիսիք են՝ պրեմիում տեսակի սմարթֆոնները, մշտական կապով համակարգիչները, նոթբուքները, պլանշետները, ընդլայնված իրականության սարքերը և ավտոմոբիլային համակարգերը:

Snapdragon X55-ը վաճառքի դուրս կգա փորձնական թվաքանակով, և ինչպես ակնկալվում է, այս մոդեմի հիմքով առաջին սմարթֆոնները կհայտնվեն շուկայում արդեն իսկ 2019 թվականի վերջին:

Ինչից հետո X50 մոդեմով սմարթֆոնների արտադրությունը կդադարի:

Ինչպես գիտեք, 5-րդ սերնդի ցանցի ստեղծումը հնարավորություն կտա ձևավորել նոր կոմերցիոն ցանց, որն ավելի ճկուն կլինի։

Qualcomm-ը պնդում է, որ 5G կապը դեռևս չի հայտնվի միջին դասի սմարթֆոններում, սակայն փոխարենը նման մոդելները կհամալրվեն 4G-LTE տեխնոլոգիայով։

Share.