Qualcomm-ը ներկայացրել է նոր ֆլագման՝ Snapdragon 855 պրոցեսորը։

0

Ամենամյա Snapdragon Tech Summit միջոցառմանը, որը տեղի է ունենում դեկտեմբերի 4-ից մինչև 6-ը ընկած ժամանակահատվածում, Qualcomm ընկերությունը ներկայացրել է իր նոր ֆլագմանը՝ Snapdragon 855-ը։

Հայտնի է, որ առաջատար նոր պրոցեսորը հիմք է ծառայելու բազմաթիվ սմարթֆոնների համար, որոնք դուրս են գալու շուկա 2019 թվականին։

Ինչպես նշում է արտադրողը Snapdragon 855-ը առաջին բջջային պրոցեսորն է, որն աջակցում է 5G միացում նոր սերնդի կայքեր այցելելու համար։

Snapdragon 855-ը ստեղծվել է 7 նանոմետրիկ տեխպրոցեսորների օգտագործման միջոցով: Չիպը ստացել է 4-րդ սերնդի Qualcomm AI Engine բազմամիջուկանի պրոցեսոր, որի արդյունքում  այն կաշխատի երեք անգամ ավելի արագ, քան նախորդ սերնդի պրոցեսորները:

Բացի այդ Snapdragon 855-ը ունի մի շարք այլ հետաքրքիր առանձնահատկություններ։ Գլխավոր առանձնահատկություններից մեկն այն է, որ վերջինս հագեցած է աշխարհի առաջին «պատկերների մշակման պրոցեսորով» (CV, պատկերների ճանաչման տեխնոլոգիաներ), որը թույլ է տալիս իրականացնել լուսանկարների և տեսանյութերի հետ կապված նոր գործառույթները։

Ինչպես նաև Snapdragon Elite Gaming տեխնոլոգիաների հավաքածուով՝ ժամանակակից և գերհզոր բջջային խաղերի աջակցության համար:

Արտադրողը ներկայացրել է նաև Qualcomm 3D Sonic Sensor-ը, որը աշխարհի առաջին մատնահետքերի սկանավորման ուլտրաձայնային տեխնոլոգիան է տեղադրված սմարթֆոնի էկրանի տակ: Ներկայումս սա միակ լուծումն է բջջային սարքերի համար, հնարավորինս ճշգիտ հայտնաբերել և ճանաչել մատնահետքը, նույնիսկ այն դեպքերում, եթե սմարթֆոնի էկրանը շատ կեղտոտ է:

Նոր մշակված տեխնոլոգիան թույլ է տալիս ճանաչել մատնահետքերն ապակու, մետաղի, պլաստիկի և այլ նյութերի միջով։

Բացի այդ, այս տեխնոլոգիան թույլ է տալիս բարակ և ժամանակակից կաղապարներ օգտագործել վտանագի տակ չդնելով սարքի անվտանգությունը։

Snapdragon 855-ի մասին լրացուցիչ տեխնիկական տվյալները ընկերությունը կհայտարարի ավելի ուշ:

Share.