Samsung Galaxy Note 7-ի արտադրությունը դադարեցվել է

0

Galaxy Note 7-ը այլևս չկա։

Երեքշաբթի օրը Samsung-ը հանդես է եկել հայտարարությամբ, որով խնդրահարույց սմաթֆոնների հետագա արտադրությունը դադարեցվել է։

«Սպառողների անվտանգության նպատակով, մենք դադարեցրել ենք Galaxy Note 7-ի վաճառքը և փոխանակումները, ինչպես նաև որոշել ենք վերջնականապես դադարեցնել սմաթֆոնրի արտադրությունը», – ասել է Samsung-ի մամուլի խոսնակը։

Galaxy Note 7-ը Samsung-ի համար դարձել է լուրջ խնդիր սկսած իր մեկնարկման օրից՝ օգոստոսի կեսերից, այդ իսկ պատճառով ընկերությունը, անվտանգության նկատառումներից ելնելով, կոչ է արել վերադարձնել հեռախոսի վաղ տարբերակները և փոխարինել դրանք նորերով։  Սակայն պարզվեց, որ փոխարինված «անվտանգ» մոդելները նունպես ունեն մարտկոցի նույն խնդիրները։

Note 7-ի սեփականատերերին ընկերությունը առաջարկում է փոխարինել հեռախոսները այլընտրանքային սարքերի հետ: Միևնույն ժամանակ Samsung-ը և US Consumer Product Safety Commission-ը կոչ են անում բոլոր օգտատերերին հետևել իրենց խորհրդին․անմիջապես անջատել սմարթֆոնները (այդ թվում «անվտանգ» մոդելները) և չօգտագործել դրանք:

Share.