Ինչպե՞ս կարելի է լիցքավորում «գողանալ» մեկ այլ հեռախոսից

0

Չնայած որ անլար լիցքավորումը դեռ լայն տարածված երևույթ չէ, սակայն Sony-ն արդեն պատրաստվում է գալիք ապագային՝ պատենտավորելով իր հայտնագործությունը: Նորարարությունը կարող է շատ օգտակար լինել այն դեպքերում, երբ Ձեր հեռախոսը պատրաստվում է անջատվել անհարմար պահի, քանի որ դրա միջոցով կարող եք լիցքավորում ստանալ մեկ այլ սարքից:

Պատենտը, որը գրանցվել է երկու շաբաթ առաջ, կոչվում է “Configuration of Data and Power Transfer in Near Field Communications”: Այս լայն անվանումը նկարագրում է մի համակարգ, որի միջոցով երկու սարքեր կարող են առանց որևէ  լարի միացման միմյանց ուղարկել և ստանալ լիցքավորում Near Field Communication տեխնոլոգիայի միջոցով: Տեխնոլոգիան կիրառելի է ցանկացած սարքի դեպքում, որը կարող է կրել NFC chip:

Sony_Xperia_Z5_compared_review_80

Ինչպես նշում է Sony-ն՝ երկու սարքերն էլ պիտի ունենան NFC անտենա: Այդպիսի սարքով հնարավոր կլինի մոտակա տարածքում փնտրել անլար լիցքավորման աղբյուր նույն կերպ ինչ որ ներկայումս Wi-Fi hotspot-երի դեպքում է: Այնուհետև պետք է ընտրել, թե գտնված աղբյուրներից, որն եք ցանկանում օգտագործել:

Share.