Թուրքիան արգելափակել է մուտքը դեպի WhatsApp, Facebook և Twitter

0

Ինտերնետից օգտվողները Թուրքիայում արդեն իսկ հանդիպել են ծանր դժվարությունների, երբ փորձել են օգտվել սոցիալական ցանցերից և մեդիայից։

Հաղորդագրությունների ծառայությունը՝ WhatsApp-ը, չի աշխատում։ Բացի այդ օգտատերերը ունեցել են լուրջ խնդիրներ, երբ ցանկացել են մուտք գործել դեպի Twitter, Facebook, YouTube և այլ ինտերնետային կայքեր։

Վարչապետը՝ Բինալի Յըլդըրըմը, չի հաստատել արգելափակումների մասին ուղղակիորեն, սակայն, խոստովանել է, որ ժամանակ առ ժամանակ անվտանգության նկատառումներից ելնելով իրենք կարող ենք ձեռնարկել այդպիսի միջոցներ:

«Վերջինս կրում է ժամանակավոր բնույթ: Երբ վտանգը անցնի, ամեն ինչ կվերադառ նա իր նախկին վիճակին», – մեկնաբանել է նա Ստամբուլում իր հեռուստազրույցի ժամանակ։

Խնդիրներր ծագեցին այն բանից հետո, երբ քրդամետ դեմոկրատական կուսակցության (HDP) 11 պատգամավորներ, այդ թվում նաև համանախագահներ Ֆիգեն Յուքսեքդաղը և Սելահաթին Դեմիրթաշը, անսպասելիորեն ձերբակալվեցին: Ձերբակալությունից կարճ ժամանակ անց տեղի ունեցավ պայթյուն Դիարբեքիրում՝ Թուրքիայի՝ հիմնական քրդամետ ամենամեծ քաղաքը:

Թուրքիան պարբերաբար մեղադրվում էր նրանում, որ արգելափակում էր մուտք դեպի սոցիալական լրատվամիջոցներ խուճապային իրավիճակներում ինչպիսիք են ահաբեկչական հարձակումները։

Turkey Blocks մոնիտորինգի կայքը նշում է, որ Թուրքիայում դեպի Twitter, Facebook և YouTube այցերը կրճատվել են, իսկ սահմանափակումները տարածվել են նաև WhatsApp-ի, Skype-ի և Instagram- ի վրա:

Ինտերնետային սահմանափակումները շարունակաբար կիրառվել են Թուրքիայի կողմից է քաղաքական միջադեպերի լուսաբանումները թաքցնելու նպատակով։ Այն ցենզուրայի մի տեսակ է, որը կոչված է կարճ ժամանակում կանխել քաղաքացիական անկարգությունները։

Իհարկե սահմանափակումները Twitter-ի և Facebook-ի համար հանդիպել են անցյալում, սակայն սա առաջին դեպքն է, որ արգելափակումները ազդել են հաղորդագրությունների հանրաճանաչ ծառայությունների վրա, ինչպես օրինակ WhatsApp-ը։

Անցյալ շաբաթ հարավ-արևելյան Թուրքիայի բնակիչները հայտնել են իրենց դժգոհությունը, երբ ինտերնետից օգտեվելուց հանդիպել են դժվարությունների։

Share.