ԱՄՆ-ի «սև ցուցակում» կարող է հայտնվել նաև չինական Hikvision ընկերությունը։

0

Ինչպես հաղորդում է The New York Times պարբերականը՝ ԱՄՆ վարչակազմը քննարկում է տեսահսկման սարքավորումներ արտադրող՝ չինական Hikvision ընկերությանը (Hangzhou Hikvision Digital Technology) նույնպես ընդգրկել «սև ցուցակ»։

Hikvision ընկերությունը «սև ցուցակում» ներառելը նշանակում է սահմանափակել վերջինիս հասանելիությունը ամերիկյան տեխնոլոգիական ընկերությունների և արտադրողների համար:

Ինչը ենթադրում է, որ ԱՄՆ Առևտրի նախարարությունը պահանջ կներկայացնի ամերիկյան ընկերություններին դիմել ԱՄՆ-ի դաշնային կառավարությանը չինական ձեռնարկությանը սարքավորումներ մատակարարելու համար հատուկ թույլտվություն ստանանալու համար։

Նշենք, որ Hikvision ընկերությունը համարվում է ամբողջ աշխարհում տեսահսկման համակարգերի առաջատար արտադրող:

Աղբյուրը նշում է, որ ԱՄՆ վարչակազմն այս հարցով վերջնական որոշում կկայացնի առաջիկա շաբաթների ընթացքում:

Հիշեցնենք, որ Մայիսի 15-ին նախագահ Դոնալդ Թրամփը հրաման էր ստորագրել, որով արտակարգ դրություն է սահմանել արտաքին սպառնալիքների դեմ ԱՄՆ պաշտպանության համար:

Որից հետո՝ օրեր առաջ, ԱՄՆ-ի առևտրի նախարարությունն տեխնոլոգիական ոլորտի հսկա Huawei ընկերությանը ներառել է իր «սև ցուցակում»՝ արգելափակելով սարքավորումների գնումն ամերիկյան արտադրողներից:

 Huawei-ն ընդգրկվել է նաև այն ընկերությունների ցանկում, որոնց արգելված են գործակցությունն ամերիկյան կորպորացիոնաերի հետ՝ առանց համապատասխան լիցենզիայի:

Ինչպես նաև նշենք, նաև որ Huawei-ի հետ համագործակցությունը դադարեցրել է նաև Google ընկերությունը:

Share.