Vertu-ն վերադարձել է շուկա 14 000 $ արժողությամբ սմարթֆոնով

0

Շքեղ բջջային հեռախոսներ արտադրող հայտնի Vertu ապրանքանիշը վերադարձել է շուկա իր նոր սմարթֆոնով։

Չինաստանում կայացած միջոցառման ժամանակ հանրաճանաչ ընկերությունը ներակայացրել է իր նոր Aster P սմարթֆոնը։

Սմարթֆոնը  կաղապարը պատված է տիտանով, իսկ ետնամասը՝ կոկորդիլոսի և մողեսի կաշվով: Իսկ ցանկության դեպքում կարելի է պատվիրել բնական ոսկու տարրերով սմարթֆոն:

Սարքի տեխնիկական բնութագիրը ժամանակակից սմարթֆոններին բնորոշ ստանդարտ բնութագրիչներ ունի։

Aster P-ն համալրված է 4,9 դյույմ անկյունագծով AMOLED (FullHD 1920×1080 պիքսել) էկրանով, որը պատած է շափյուղայե ապակով, Qualcomm Snapdragon 660 8 միջուկանի պրոցեսորով, 6 GB օպերատիվ և 128 GB ներքին հիշողությամբ։

Սմարթֆոնը լիցքավորվում է USB-C պորտի միջոցով։ Իսկ մարտկոցի հզորությունը կազմում է 3,200 mAh։ Նշենք, նաև որ բացի այդ սարքը հագեցած նաև Quick Charge 3.0 արագ լիցքավորման տեխնոլոգիայով։

Սմարթֆոնի հիմնական տեսախցիկի հզորությունը 12 մեգապիքսել է, իսկ դիմային տեսախցիկի հզորությունը կազմում է 20 մեգապիքսել:

Ինչպես նաև Vertu Aster P-ն ունի երկու SIM քարտի հնարավորություն, ներդրված է NFC չիպ, Wi-Fi և Bluetooth 5.0:

Սմարթֆոնը աշխատում է Android 8.1 Oreo օպերացիոն համակարգով։

Քանի որ սմարթֆոնը պատրաստվում է ձեռքով, վերջինիսկ վրա փորագրված է սմարթֆոնը պատրաստող վարպետի անունը։

Սմարթֆոնի բազային տարբերակն արժե մոտավորապես 5000 դոլար։ Սակայն կախված մոդիֆիկացիայից սմարթֆոնը գինը կարող է տատանվել 5,000-ից մինչև 14,000 դոլարի սահմաններում։ Ներկայումս, սմարթֆոնը կարելի է պատվիրել միայն Չինաստանում:

 

Share.