Ինչո՞ւ iPhone-ը այլևս լավագույն սմարթֆոնը չէ։

0

Ստորև կփորձենք ներկայացնել 5 պատճառ, թե ինչու iPhone-ը այլևս լավագույն սմարթոնը չի կարող համարվել։

1.Ոչ լավ էկրան

Եկեք հիշենք, որ երբ հայտնվեց առաջին iPhone-ը այն ուներ ամենամեծ էկրաններից մեկը: Այնուհետև թողարկվեց iPhone 4-ը իր Retina Display-ով՝ այդ ժամանակ լավագույն էկրանը համարվող։ Սակայն ժամանակն է ընդունել, որ այդ ամենն արդեն անցյալում է։ Այսօր «բյուջետային» iPhone-նները համալրված են HD էկրանով, իսկ վերջիններիս թոփային տարբերակները՝ AMOLED էկրանով։ Նշենք, որ այս էկրաններում նկատվում են մի շարք թերություններ, բացի այդ դրանք որակապես զիջում են մի շարք Android սմարթֆոնների էկրաններին։

Համեմատության համար, վերցրեք ցանկացած մրցակից Android սմթրաֆոն և ինքներդ կհամոզվեք, որ դրանց բոլոր մոդելներում էկրաններն ավելի բարձրորակ են, քան iPhone-ում։

2.Ոչ լավ տեսախցիկ

Պարզվեց, որ  նույինսկ iPhone XS Max-ի տեսախցիկը ավելի վատն է, քան Huawei P20 Pro-ինը կամ Xiamoi Mi 8-ինը։

Իհարկե, վերջերս Apple-ը պարծենում էր, որ  iPhone-ը դարձել է աշխարհում ամենահայտնի տեսախցիկը, սակայն բազմաթիվ թեստեր ապացուցում են, որ մրցակիցների տեսախցիկներով արված նկարների որակը ավելի լավն է:

3.Ոչ վստահելի օպերացիոն համակարգ

iOS-ը երբեք չի եղել բազմաֆունկցիոնալ, ինչպես իր մրցակիցները, սակայն այն եղել է  կայուն, վստահելի և ավելի արագ, քան մնացածները: Ամենասկզբում Windows Mobile- ը և Symbian-ը հասկացան, որ այլևս իմաստ չկա մրցել iOS-ի եւ Android-ի հետ և լքեցին դաշտը, այնուհետև մրցակցությունից դուրս եկավ նաև BlackBerry OS-ն, իսկ ավելի ուշ Windows Phone-ը: Իսկ iOS-ն շարունակեց մնալ, որպես  հուսալիության և կայունության խորհրդանիշ։ Սակայն ժամանակները փոխվել են, և օպերացիոն համակարգը նույնպես ենթարվել է մի շարք փոփոխությունների, որոնք հարցի տակ են դնում օպերացիոն համակարգի հուսալիությունը։

4․Ոչ լավագույն ձայնային օգնական

Չնայած այն հանգամանքին, որ ձայնային օգնականի հարցում Apple-ը առաջիններից էր, Siri-ն երկար ժամանակ չպահպանեց իր լավագույն ձայնային օգնականի կարգավիճակը: Siri-ին փոխարինելու երկավ Google Assistant-ը, որն ավելի ֆունկցիոնալ և խելացի օգնական է:

5․Ոչ համապատասխան արժեքը

Երկար ժամանակ, iPhone-ը համարվել է ամենաթանկ սմարթֆոններից մեկը և շատերը ձեռք բերելով այն կարող էին պարծենալ: Եթե հաշվի չառնենք Vertu-ն և թանկարժեք քարերով զարդարված սմարթանների էքսկլուզիվ մոդելները, ապա iPhone-ը, իսկապես, ամենաթանկ սմարթոններից է։  Սակայն, այժմ դա այքան էլ այդպես չէ։ Այո, iPhone-ի թափային տարբերակները դեռևս թանկ են, քան մնացածները, սակայն բազային տարբերակները՝ ոչ։

Ավելին, նույն արժեքով մի շարք այլ արտադրողներ այժմ առաջարկում են ավելի հզոր պարամետրերով սմարթֆոններ:

Share.