Xiaomi-ն ներկայացրել է Black Shark սերնդի նոր խաղային սմարթֆոն։

0

Xiaomi ընկերությունը ներկայացրել է Black Shark խաղային սմարթֆոնի երկրորդ սերունդը: Black Shark Helo մոդելը ի տարբերություն նախորդի ավելի հզոր է։ Այն ստացել նոր սառեցման համակարգ և նոր գունային էֆֆեկտներ, որոնք կախված խաղի տեսակից փոխվում են։

Մատնահետքի սկաներն նոր մոդելում տեղափոխվել է, այն գտնվում է սմարթֆոնի հետևի հատվածում: Սառեցման համակարգը՝ երկու հեղուկով լցված խողովակների հետ միասին նվազեցնում է պրոցեսորի ջերմաստիճանը մինչև 12 աստիճան:

Նշենք նաև, որ սմարթֆոնը համալրված է հատուկ Shark կոճակով, որը նախատեսված է գերարագ խաղային ռեժիմի համար: Սմարթֆոնի հետ միասին Xiaomi-ն առաջարկում է նաև լրացուցիչ սարքեր՝ գեյմփադ և հավելյալ երկու հովհարիչներով խաղային պատյան։

Այժմ անդրադառնանք Black Shark Helo-ի տեխնիկական բնութագրին։

Սմարթֆոնի չափերը հետևյալն են `160 x 75.25 x 8.7 մմ, իսկ քաշը՝ 190 գրամ:

Խաղային սմարթֆոնը ունի 6.01 դյույմանոց Full HD + (2160 x 1080 փիքսել) էկրան, երկակի 12 + 20 մեգապիքսել հիմնական տեսախցիկ և 20 մեգապիքսել հզորությամբ դիմային տեսախցիկ։ Black Shark Helo-ի մարտկոցի հզորությունը կազմում է 4000 մԱհ։

Սարքի հիմքում ընկած է Qualcomm Snapdragon 845 պրոցեսորը: Կախված մոդիֆիկացիայից սմարթֆոնը առաջարկվում է 6, 8 կամ 10 GB  օպերատիվ հիշողության և 128 կամ 256 GB ներքին հիշողության տարբերակներով:

Ինչպես նաև սմարթֆոնը ունի երկու SIM քարտի հնարավորություն, 4G VoLTE, Wi-Fi (802.11ac), Bluetooth 5, GPS + GLONASS-ն և USB Type-C պորտ:

Սմարթֆոնն աշխատում է Android 8.1 Oreo օպերացիոն համակարգով։

Նորույթը շուկա դուրս կգա 2018 թվականի հոկտեմբերի 30-ից:

Նշենք, որ սմարթֆոնի արժեքը կախված մոդիֆիկացիային կարող է տատանվել։ Xiaomi Black Shark Helo 6 + 128 GB հիշողությամբ մոդելի մեկնարկային գինը մոտավորապես 416 դոլար է։

 

Share.