Xiaomi-ին ներկայացրել է ընկերության առաջին ծալվող սմարթֆոնը: (Տեսանյութ)

0

Համացանցում հայտնվել է տեսանյութ, որտեղ ներկայացվում է Xiaomi-ի ընկերության առաջին ծալվող սմարթֆոնը՝ ճկուն էկրանով։

Չինական Xiaomi ընկերության համահիմնադիր և նախագահ Լին Բինը Weibo (չինական Twitter-ի անալոգային տարբերակը) չինական սոցիալական ցանցում հրապարակել է տեսանյութ, որտեղ ցուցադրվում է Xiaomi-ի ճկուն սմարթֆոնը։

Ընկերությունն այժմ որոշում է, թե ինչպես անվանի սմարթֆոնը`Mi Mix Flex, թե Mi Dual Flex: Ի տարբերություն Samsung-ի կողմից ներկայացված ճկվող սմարթֆոնի մոդելի, Xiaomi սմարթֆոնը ծալվում է ոչ թե երկու անգամ, այլ երեք:

Լի Բինի խոսքերով, սա աշխարհում առաջին նմանատիպ սմարթֆոնն է։

Ընկերության ղեկավարը նշել է, որ իրենք ստիպված են եղել հաղթահարել մի շարք տեխնիկական դժվարությունների, որպեսզի ստեղծեն նման կոնստրուկցիայով սմարթֆոն։ Հիշեցնենք, որ այս նոր տեխնոլոգիայից (ճկուն դիսփլեյ) օգտվում են արդեն մի շարք ընկերություններ, ինչպիսիք են Huawei-ը, Samsung-ը և այլոք։

Բացի այդ նա հավելել է, որ տեսանյութում ցույց է տրված սմարթֆոնի ինժեներական նմուշը, սակայն հավաստիացրել, որ սարքի դիզայնի, տեխնիկական բնութագրի, էկրանի ծածկույթի, ինտերֆեյսի և կարգավորումների  վերաբերյալ բոլոր մանրամասները արդեն որոշված են։

Տեսանյութում ցուցադրված սարքավորումը սկզբում օգտագործվում է որպես բարակ, նեղ շրջանակով պլանշետ, այնուհետև ծալվելով հեշտությամբ վերածվում է փոքրիկ սմարթֆոնի։ Ընդ որում՝ ծալվում են պլանշետի երկու ծայրերը, իսկ մեջտեղի մասը շարունակում է օգտագործվել:

 

Ծալված վիճակում սմարթֆոնը շատ կոմպակտ է, չնայած վերջինիս հստակ չափեր դեռևս պաշտոնապես չեն հայտարարվել:

Ինչպես նշեցինք, սա սմարթֆոնի դեռևս ինժեներական նախատիպը, սակայն մոտ ապագայում սպասվում է որ այն դուրս կգա մասսայական արտադրության։

Xiaomi Mi Mix Flex-ի պաշտոնական դեբյուտը կարելի է ակնկալել փետրվարի 24-ին «MWC 2019» ցուցահանդեսի բացմանը, որը տեղի կունենա փետրվարի 25-ից 28-ը ընկած ժամանակահատվածում Բարսելոնում։

Share.