Xiaomi-ն ներկայացրել է Mi Mix 3 սմարթֆոն-սլայդերը։

0

Չինաստանում կայացած շնորհանդեսի շրջանակներում Xiaomi-ի ընկերությունը ներկայացրեց իր նոր ֆլագմանը՝ Mi Mix 3 սմարթֆոնը:

Ի տարբերություն սմարթֆոնների նախորդ մոդելների, նորույթը ստացել է էկրանի բարակ շրջանակ: Իսկ առջևի տեսախցիկի գտնվելու վայրի հետ կապված խնդիրը լուծվել է սլայդեր մեխանիզմի օգնությամբ։ Տեսախցիկից օգտվելու համար օգտատերը պետք է իջեցնի սմարթֆոնի էկրանը ներքև՝ բացելով սենսորային մոդուլը և տեսախցիկը: Օգտատերը նույինսկ կարող է ընտրել «բացման հնչյունը»՝ առաջարկվող հինգ տարբերակներից։

Այս նորարարական մեխանիզմի արդյունքում էկրանը զբաղեցնում է առջևի հատվածի 93.4%-ը:

Նշենք, նաև որ բացի սլայդերից սմարթֆոնը հանդերձված է նաև մատնահետքերի սքաներով։

Mi Mix 3-ը հագեցած է 6.39 դյույմանոց Full HD + (1080 x 2340 փիքսել) AMOLED էկրանով, երկակի 24 + 2 մեգապիքսել դիմային տեսախցիկով և 12 + 12 մեգապիքսել հիմնական տեսախցիկով:

Սարքի հիմքում ընկած է Qualcomm Snapdragon 845 պրոցեսորը, ինչպես նաև սմարթֆոնը ունի 6, 8 կամ 10 GB օպերատիվ հիշողություն և 128 կամ 256 GB ներքին հիշողություն։

Մարտկոցի հզորությունը 3850 մԱհ է, բացի այդ այն համալրված է Qi անլար լիցքավորման և արագ լիցքավորման տեխնոլոգիաներով։

Սմարթֆոնի լրակազմում ներառված է 4G VoLTE, Wi-Fi (802.11ac), Bluetooth 5, GPS, NFC, USB Type-C։

Xiaomi Mi MIX 3-ը ներկայացված է երեք գույնով՝ սև, մուգ-կանաչ և կապույտ:

Սմարթֆոնի նախնական արժեքը կազմում է 475 դոլար։ Սակայն օպերատիվ հիշողության ավելի մեծ ծավալ ունեցող մոդելները կարժենան համապատասխանաբար ավելի թանկ՝ 575 և 720 դոլար։

Share.