Xiaomi-ն մտադիր է երկու էկրանով սմարթֆոն թողարկել։

0
Համացանցում հայտնվել են տեղեկություններ, որ չինական Xiaomi ընկերությունը մշակում է նոր սմարթֆոն, որը կունենա երկու գունավոր էկրան։
IGeekPhone լրատվամիջոցը նույնիսկ հրապարակել է այս յուրօրինակ սարքի իրատեսական պատկերները։ Թե ինչի համար է նախատեսված սմարթֆոնի լրացուցիչ էկրանը դեռևս անհյատ։
Աղբյուրում նշվում է, որ նոր սմարթֆոնը կունենա 6.5 դյույմանոց AMOLED (կամ Super AMOLED) հիմնական էկրան, որը կզբաղեցնի սարքի առջևի հատվածի շուրջ 98 տոկոսը, իսկ դրա տակ կլինի մատնահետքի սենսորը: Ենթադրաբար, Xiaomi-ն պատրաստվում է օգտագործել Samsung-ի՝ 2340 х 1080 պիքսել բանաձևով AMOLED էկրանը:
Հիմնական էկրանից բացի սմարթֆոնը համալրված կլինի նաև 4 դյույմ անկյունագծով լրացուցիչ էկրանով (2280 × 1080 պիքսել բանաձևով), որը տեղադրված կլինի աարքի հետևի հատվածում:
Ըստ երևույթի, երկրորդ էկրանը անհրաժեշտ է սելֆիներ անելու համար, քանի որ էկրանի տակ կլինեն 12, 20 և 40 մեգապիքսել հզորությամբ տեսախցիկներ, որոնք թույլ կտան հրաժարվել սելֆիի համար նախատեսված հավելյալ տեսախցիկից:
Ըստ ինֆորմացիայի արտահոսքի, Xiaomi-ի երկու էկրանով սմարթֆոնի տեխնիկական բնութագիրը հետևյալն է՝
  • Հիմնական էկրան`6.5 դյույմ, AMOLED կամ Super AMOLED, 2340 × 1080 պիքսել
  • Լրացուցիչ էկրան`4 դյույմ, 2280 × 1080 պիքսել
  • Պրոցեսորը: Qualcomm Snapdragon 8150
  • Հիմնական ֆոտոխցիկը`40 + 20 + 12 մեգապիքսել
  • RAM: 6 կամ 8 ԳԲ (կախված մոդիֆիկացիայից)
  • Ներքին հիշողությունը`128, 256 կամ 512 Գբ (կախված մոդիֆիկացիայից)
  • Մարտկոցը` 3,600 մԱ / ժ:
  • 5G
Նորույթի թողարկման ամսաթվի մասին տեղեկություններ դեռևս չկան, սակայն, ամենայն հավանականությամբ, սմարթֆոնը կներկայացվի 2019 թվականի առաջին կեսից ոչ ավելի շուտ:

 

Share.