Աքսեսուարնե՞ր, ինչի՞ համար

0

Image BlogՏեխնիկայով հագեցած մեր դարաշրջանը չի դադարում զարմացնել նորամուծություններով: Հերիք չէին տարատեսակ բջջային հեռախոսները, Smartphonе-ներն ու բազմաբնույթ Gadjet-ները, հիմա էլ տարբեր տեսակի աքսեսուարներն են դառնում, եթե ոչ պարտադիր, ապա գոնե հաճելի օգտագործման համար: Աքսեսուարների որոշ տեսակներ արագացնում, բարելավում և կատարելագործում են տեխնիկական սարքերը, որոշները նպաստում են մեր սարքերի երկարակեցությանը, իսկ մյուսներն էլ կոչված են, ընդամենը, լավ տեսք հաղորդելու և նորաոճ դարձնելու դրանք:

Ստորև ձեր ուշադրությանը կներկայացնենք մի քանի հետաքրքիր աքսեսուարներ, որոնք հեշտացնում և ավելի հաճելի են դարձնում Smartphonе-ների օգտագործումը:Image Blog
Ունենալ Smartphonе – նշանակում է ունենալ նաև նկարահանող սարք: Սակայն միշտ կարելի է լավացնել նկարահանող սարքի որակը: Ամրացվող ոսպնյակների տեսականին թույլ կտա բոլորովին այլ որակի նկարներ ստանալ (fisheye, wide-angle, 10x Macro, 15x macro lenses): Նմանատիպ սարքը կարելի է օգտագործել ինչպես iPhone4. 4S, 5, 5C և 5S, այնպես էլ Samsung S4 և S5-ի հետ:

Image BlogԲոլորիս հետ էլ բազմիցս պատահել է, երբ մեր Smartphonе-ը լիցքաթափվել է, իսկ լիցքավորման սարքը տանն է, կամ մեկ այլ տեղ: Հետաքրքիր և շատ օգտակար է ունենալ եթե ոչ հավելյալ մարտկոց, օրինակ այսպիսին, ապա գոնե այս փոքր լիցքավորման մալուխը, որը կարող է միացվել ցանկացած USB բնիկից և հեռախոսը կսկսի լիցքավորվել: Այս աքսեսուարը շատ հեշտ է չմոռանալ տանը, քանի որ կարելի է ընդամենն ամրացնել բանալիների կապոցին ու այն միշտ քեզ հետ է:

Image BlogՇատ հարմար և արդյունավետ է բարձրախոսների (loudspeakers) օգտագործումը: Դրանք ոչ միայն օգտակար, այլև գեղեցիկ ու նորաոճ աքսեսուար կարող են դառնալ ոճային մարդկանց համար:
Image Blog

Այն համար է երգերը և երաժշտական հոլովակները բարձր ձայնով վայելելու համար: Անհավատալի է, թե ինչ հրաշալի բարձր ու մաքուր հնչողություն են ապահովում այս սարքերը:

Image Blog

Իբրև Smartphonе-ների անբաժան մաս՝ իրենց տարածվածությամբ և հարմարավետությամբ առաջին տեղերում են ականջակալները: Դրանք ուղղակի անհրաժեշտ պարագաներ են դարձել սպորտային ակումբեր հաճախողների, վազասարքերի ու այլ մարզասարքերի վրա մարզվողների, և, ինչու ոչ, ցանկացած աշխատանքով զբաղվելիս Ձեր երկար ու ձիգ ժամերը հաճելի անցկացնելու համար: Այսօր ականջակալները միմյանց հետ մրցում են ոչ միայն ձայնի որակով և հնչեղությամբ, այլև իրենց չափսերով: Ժամանակակից ականջակալներն ազատ են Smartphonе-ներին, կամ այլ սարքերին մալուխով ամրացված լինելուց: Դրանցից շատերն ունեն ներդրված մարտկոցներ, որոնք ապահովում են մինչև 20 ժամ անխափան աշխատանք:

Image BlogImage Blog

Image BlogԱռանձնահատուկ ուշադրության է արժանի այս փոքրիկ ոճային պայուսակը, որի ներկառուցված մարտկոցը թույլ է տալիս վերալիցքավորել հեռախոսը մինչև երկու անգամ, առանց որևէ մեկի ուշադրությունը գրավելու:Image BlogՆվիրեք Ձեր սիրելիներին հետաքրքիր, գեղեցիկ և օգտակար աքսեսուարներ իրենց Smartphonе-ների համար: Դրանով դուք ոչ միայն կուրախացնեք, այլև ավելի հարմարավետ կդարձնեք ժամանակակից տեխնիկական սարքերի օգտագործումը:

Ցրտին հեռախոսով խոսելու, կամ ականջակալների վրայից գլխարկ դնելու անհարմարությունը ճաշակել են մեզնից շատերը: Այս գլխարկը հնարավորություն է տալիս շրջանցել նման անհարմարություններն ու ցուրտ եղանակին դրսում հեռախոսոով շփման դժվարությունները: Այն ունի ներկառուցված Bluetooth-բարձրախոսներ և միկրոֆոն: Այն կրելիս պետք է ուղղակի պատրաստ լինել «ինքն իրեն խոսողի» տպավորություն թողնելուն:

Share.