Հայտնիների նախընտրած Smartphone-ներն ու Gadjet-ները

0

Այսօր արդեն «խելախոսները» (smartphone) և գադջեթները (gadjet) մեր զգեստապահարանի անբաժան ու նորաձև մասն են կազմում: Դրանք դարձել են ոճի դրսևորման հիմնական ձևերից մեկը ոչ միայն հասարակ մարդկանց և տեխնիկայի ոլորտի ներկայացուցիչների, այլ նաև շատ ու շատ աստղերի և հայտնի մարդկանց համար: Smartphone-ներն այսօրվա մարդկանցից շատերի համար սեփական դիրքը, ֆինանսական կարգավիճակն ու ժամանակակից լինելու աստիճանը շեշտելու ձևերից են:

Իսկ ո՞վ է վճարում այն հեռախոսների և gadjet-ների համար, որոնք օգտագործում են հայտնիները: Մի՞թե աստղերն իրենք են գնում իրենց տեխնիկական սարքերը: Իսկ գուցե՞ ֆիրմաները վճարում են նրանց իրենց արտադրանքն օգտագործելու համար: Դժվար է հստակ ասել, սակայն փաստ է, որ սոցիալական մամուլի միջոցով, հատկապես facebook-ում և twitter-ում աստղերի կողմից արված selfie-ներն ու դրանց համար օգտագործված անձնական սարքերը շատ արագ տարածում են ստանում և շատերն ուզում են ունենալ հենց այն հեռախոսներն ու gadjet-ները, որոնք օգտագործում են իրենց երկրպագած աստղերը: Օրինակ, «Օսկար-2014» մրցանակաբաշխության ժամանակ Galaxy Smartphone-ով արված հայտնի selfie-ն Samsung-ի հիանալի գովազդ դարձավ:

Image Blog

Փորձենք պարզել, թե ինչպե՞ս և ի՞նչ smart-սարքեր են օգտագործում հայտնիները:

Մամուլում տարածում է ստացել Samsung ընկերության «Սպիտակ ձեռնոց» օպերացիան: Վերջինիս ընթացքում հայտնիներից մեկի տանը կազմակերպված երեկույթի ժամանակ Samsung-ի կոկիկ արտաքինով և ընկերական վերաբերմունքով ներկայացուցիչը մինչև ախորժելի խորտիկները ճաշակելը ցույցադրում է ընկերության արտադրանքներից ու հյուրերին անվճար բաժանում ցուցադրվածի անհատական օրինակները տանը նայելու և ինքնուրույն կարծիք կազմելու համար: Եթե հյուրերից մեկը հավանում է արտադրանքը, նրան ևս խնդրում են կազմակերպել նմանատիպ գովազդային երեկույթ, որի ընթացքում նոր հյուրերին ու կազմակերպողին ևս կբաժանվեն հեռախոսներ:

Նմանատիպ ակցիաներից մեկի ժամանակ ամերիկացի հայտնի կինոպրոդյուսեր և սոցիալական ցանցերի ձեռնարկատեր Դանա Բրյունետիին անվճար առաջարկվել է Galaxy S3: Նա քաղաքավարությամբ ընդունել է նվերը, սակայն ասել, որ կվերադառնա իր iPhone-ին ճաշկերույթի ավարտից հետո: Այնուամենայնիվ, նա համաձայնվել է օգտագործել Galaxy S3-ը մեկ ամիս իր iPhone-ի հետ միասին: Մեկ ամիս անց, սակայն, նա փոխեց իր iPad-ը Galaxy Tab-ով ու կազմակերպեց Samsung-երեկույթ, որի ընթացքում այլ հայտնիներ ևս անցան Samsung-ի օգտագործմանը: Հետաքրքիր է Բրյունետիի անկեղծ խոստովանությունը, որ մարդիկ` հատկապես հայտնիները սիրում են անվճար իրեր: «Մենք վերջինն ենք, ովքեր կարիք ունեն անվճար ինչ-որ բաների, սակայն դա խելացի է: Հակառակ դեպքում մենք ուղղակի չէինք գնի դրանք»:

Ամերիկացի ռեփեր, ձայնագրման պրոդյուսեր և ձեռնարկատեր Ջեյ Զին ևս դարձել է Samsung-ի օգտատեր ու նույնիսկ ավարտին է մոտենում նրա «Magna Carta Holy Grail» ալբոմը հատուկ Samsung սարքերի կրողների համար, ներառյալ ամերիկացի գրող, հեռուստահաղորդավար և businesswoman Մարթա Ստյուվարթին: Պապարացցիներն առիթ են ունեցել ֆիքսելու նաև, թե ինչպես է մեկ այլ հայտնի ամերիկյան երգչուհի, դերասանուհի ու երգահան Բեյոնսեն հեռախոսով խաղ խաղում Samsung-ի իր ընկերների հետ:

Image Blog

«The Saturdays» անգլաիռլանդական աղջիկների խումբը, ամերիկյան երգչուհի, դերասանուհի, պարուհի և հեռուստահաղորդավարուհի Նիկոլ Սչելզինգերը նույնպես հայտնվել են սոցիալական մամուլի էջերում Samsung Galaxy S3-ով: Բրիտանացի արկածախնդիր, գրող և հեռուստավարող Բիար Գրիլսը օգտագործում է Samsung Galaxy S4: Աշխարհահռչակ գրող, վիպասան Ջ.Կ. Ռոուլինգը ևս Samsung Galaxy Note 3 օգտատերերի շարքում է:

Աշխարհահռչակ աստղերի թվում քիչ չեն նաև IPhone նախընտրողները: Այս թիմում են selfie-ի հայտնի սիրահար երգչուհի, դերասանուհի և ոճաբան Ռիհաննան, ռեալիթի շոուի աստղ Քիմ Քարդաշյանն ու ռեփեր, երգահան, ձայնագրման պրոդյուսեր և ոճաբան Քայնի Ուեսթը, ամերիկյան դերասանուհի, մոդել և երգչուհի Լինդսի Լոհանը, ոճային երգչուհի Մայլի Սայրուսը, դերասան և կինոպրոդյուսեր Սամուել Ջաքսոնը, կանադական երգիչ, երգահան և, իհարկե, ամենահայտնի առանց վերնազգեստ selfie-ի սիրահարՋասթին Բիբերը:

Հայտնիներից ոմանք ոչ միայն օգտագործում, գովազդում, այլ նաև մասնակցում են ժամանակակից ապրանքնատեսակների ստեղծմանը: Բրիտանացի սուպերմոդել Ջորդան Դանը նախընտրելով HTC ապրանքանիշը` ոչ միայն գովազդում ներկայացրել է HTC One M9 INK ապրանքատեսակը, այլև մասնակցել է վերջինիս ստեղծմանը: Նրա գովազդած smartphone-ի ետին պանելն ամբողջությամբ կրկնում է մոդելի տատուն:

Image Blog

Դերասան Էշտոն Կատչերն արդեն մի քանի տարի է նախընտրում է Lenovo ապրանքնանիշը: Անցյալ տարի նա նույնիսկ որոշեց զբաղեցնել ինժեների տեղը և իրոք դարձավ Lenovo ընկերության աշխատակից: Նա ակտիվորեն մասնակցում է պլանշետների արտաքին տեսքի մշակման աշխատանքներին:

Կան նաև LG ապրանքանիշի սիրահարներ, որոնցից է հայտնի ամերիկյան դերասան, կինոարտադրող Էդվարդ Նորթոնը: Նա օգտագործում է էլեգանտ և խիստ ոճային LG Prada 3.0 հեռախոսը:

Իսկ ո՞ր հայտնիներն են նախընտրում Blackberry-ն: Ամերիկյան երգչուհի, երգահան, ձայնագրման պրոդյուսեր և դերասանուհի Ալիսա Քեյսը, ով Blackberry ապրանքանիշի մոլի երկրպագու է, իր երկրպագուներին խնդրել է կիսվել Blackberry հեռախոսներով արված selfie-ներով` դրանք իր համերգային շրջագայության երաժշտական հոլովակներում ներառելու համար:

Ամերիկյան դերասանուհիներ Քրիստինա Րիչչիին, Ռեյչել Բիլսոնին և Խլոե Մորեցիին նկատել են Blackberry Z10-ով տարված: Ամերիկյան եռգչուհի, երգահան և դերասանուհի Լեդի Գագայի վերջին ընտրությունը ևս կանգ է առել Blackberry ապրանքնանիշի վրա: Իհարկե, չենք կարող հատուկ չնշել ԱՄՆ պրեզիդենտ Բարաք Օբամային, ով Blackberry ապրանքանիշի անդավաճան երկրպագու է:

Image Blog

Անկախ հայտնիների` իրենց smartphone-ներով և gadjet-ներով տարվածության պատճառներից, պետք է ընդունել, որ նրանք անտարակույս ազդել են smart սարքերի կայացմանը մեր դարաշրջանում` որպես ոճի և նորաձևության ազդեցիկ աքսեսուարներ: Ավելին, ներկայումս գերակա «selfie» միտումը smartphone-ները դարձրել է նորաձևության հետևորդների համար ոճի արտահայտման գրավական ամբողջ աշխարհում:

Share.