10 սխալ, որոնք «սպանում են» ձեր սմարթֆոնը։

0

Սմարթֆոն գնելիս մենք ծախսում ենք երկար ժամանակ և մեծ գումարներ, սակայն օգտագործման ընթացքում գործում ենք այնպիսի սխալներ, որոնք կարճացնում են թե՛ մարտկոցի,  թե՛ սմարթֆոնի կյանքը:

Անկասկած, մեզանից շատերը լսել են, որ գերլիցքավորումը կարող է բացասական ազդեցություն ունենալ սմարթֆոնի մարտկոցի վրա, սակայն այս ամենին մարդկանց մի մասը լուրջ չի վերաբերվում, իսկ մյուսը՝ պարզապես հետևողական չէ։ Այսպիսով, խորհուրդ ենք տալիս փոխել Ձեր վերաբերմունքը և այլևս չգործել նշված սխալները։

Ստորև Ձեզ ենք ներկայացնում ամենատարածված սխալները, որոնք ամեն անգամ մեզանից շատերը անգիտակցաբար գործում են։

Օգտագործում եք ոչ օրիգինալ լիցքավորման սարք

Անհասկանալի ծագման կամ այլ ապրանքանիշի լիցքավորիչները ոչ միայն վնաս են հասցնում Ձեր հեռախոսի մարտկոցին, այլև ստեղծում նպաստավոր պայմաններ պայթյունների և հրդեհների համար։ Պատճառն այն է, որ օրիգինալ լիցքավորման սարքը նույնպես փչանում է, իսկ նորը գնելը բավականին թանկ հաճույք է, այնպես որ շատերը գումար խնայելու նպատակով օգտվում են ոչ օրիգինալ լիցքավորիչներից։

Այնպես, որ ամեն կերպ խուսափեք կեղծ լիցքավորման սարքեր օգտագործելուց։

Երբեք չեք անջատում  Bluеtooth-ը և Wi-Fi-ը

Հնարավորության դեպքում անջատեք Bluеtooth-ը և Wi-Fi-ը։ Սա կկանխարգելի էներգիայի ավելորդ կորուստը և կմեծացնի մարտկոցի աշխատունակությունը։

Թողնում եք սմարթֆոնը հոսանքի աղբյուրին միացված ամբողջ գիշեր

Հարկ է գիտակացել, որ գերլիցքավորումը կրճատում է մարտկոցի կյանքը, այնպես որ աշխատեք հնարավորության դեպքում անջատել հեռախոսը հոսանքի աղբյուրից՝ մինչև 100% լիցք հավաքելը։ Բացի այդ նախընտրելի է նաև, լիցքավորել սմարթֆոնը  օրվա ընթացքում կարճ ժամանակահատվածներով։

Օգտագործում եք սմարթֆոնը ոչ բարենպաստ եղանակային պայմաններում

Չափազանց ցածր կամ բարձր ջերմաստիճանը նույնպես վնասակար է հեռախոսի համար, քանի որ ոչ մի սմարթֆոն նախաստեսված չէ ուժեղ շոգին կամ սառնամանիքին շահագործվելու համար։ Օրինակ՝ արևի ուղիղ ճառագայթները վնասակար են հեռախոսի մարտկոցի համար և նույնիսկ կարող են դառնալ պայթյունի պատճառ։ Նշենք, որ էքստրեմալ եղանակային պայմանները կրճատում են նաև մարտկոցի գործունեության ժամկետը։

Միշտ միացրած եք պահում սմարթֆոնը

Ժամանակ առ ժամանակ սմարթֆոնը անհրաժեշտ է անջատել։ Շաբաթվա ընթացքում մեկ անգամը լիովին բավարար է։ Ինչպես ցույց է տալիս փորձը, այդ գործողությունը կարող է երկարաձգել մարտկոցի կյանքը:

Թողնում եք, որ մարտկոցի լիցքը հասնի 10%-ի, ապա լիցքավերում մինչև 100%

Ներկայիս լիթիումային մարտկոցները ըստ փորձագետների պետք է միշտ պահել լիցքվորված։ Արտադրողները խորհուրդ են տալիս սմարթֆոնը լիցքավորելիս ուշադիր լինել և թույլ չտալ, որպեսզի մարտկոցն ամբողջությամբ լիցքաթափվի և սարքն անջատվի։

Երբեք չեք մաքրում հեռախոսը

Եթե վաղուց չեք մաքրել ձեր սմարթֆոնը, ապա եկել է հենց այդ գործով զբաղվելու ժամանակը։ Պարբերաբար մաքրումները ոչ միայն կերկարացնեն հեռախոսի կյանքը, այլ նաև հաճելի կդարձնեն դրանից օգտվելը։

Ձեր սմարթֆոնի բոլոր հավելվածները օգտագործում են գեոլոկացիա

Այս ֆունկցիան ուղղակիորեն «սպանում է» մարտկոցը։ Վերջինս մի քանի անգամ ավելի արագ է սպառում մարտկոցի լիցքը՝ կրճատելով մարտկոցի կյանքը: Խորհուրդ է տրվում միացնել գեոլոկացիան միայն այն հավելվածների համար, որոնք իսկապես ունեն դրա անհրաժեշտությունը։ Օրինակ՝տաքսի ծառայություններ և այլն։

Միացրած եք պահում բոլոր հավելվածների ծանուցումնը

Իհարկե, ծանուցումներից որոշները հեշտացնում են մեր կյանքը և իսկապես անհրաժեշտ են։ Խորհուրդ է տրվում միացված թողնել միայն այն հավելվածների ծանուցումները, որոնք Ձեզ համար առաջնային են, իսկ երկրորդականները անջատել։

Գաղտնաբառ չեք օգտագործում 

Էկրանն արգելափակումից հանելու համար օգտագործեք գաղտնաբառ։ Եթե Ձեր սմարթֆոնը գողանան կամ ինչ-ինչ պատճռներով հայտնվի ուրիշի ձեռքերում, ձեր անձնական ինֆորմացիան կլինի ապահով։

Share.