Samsung-ը 12 րոպեում մարտկոցը լիցքավորող նոր տեխնոլոգիա է ստեղծել։

0

Հարավկորեական Samsung ընկերությունը մշակել է մարտկոցը լիցքավորելու նոր տեխնոլոգիա, որը թույլ կտա լիցքավորել սմարթֆոնը ընդամենը 12 րոպեում:

Ընկերության՝ առաջատար տեխնոլոգիաների ինստիտուտի հետազոտական բաժնի գիտնականների խումբը հաջողությամբ սինթեզել է գրաֆենային գնդեր (գրաֆիտից ստացվող ածխածնի տարր), որոնք ունակ են ավելի արագ հաղորդել էլեկտրականությունը: Ինչը նշանակում է, որ այս նոր տեխնոլոգիայի շնորհիվ հնարավոր կլինի ստեղծել ներկայումս գոյություն ունեցող մարտկոցների մոդելներից 45%-ով ավելի հզոր մարտկոցներ, ինչպես նաև զգալիորեն կրճատել լիցքավորման ժամանակը։

Nature-Comm-Battery-Material_main_1

Ինչպես պնդում է ընկերությունը այս տեխնոլոգիայով ստեղծված մարտկոցները թույլ կտան լիցքավորել սարքավորումը 5 անգամ ավելի արագ, այնինչ հեռախոսների սովորական լիթիում-իոնային մարտկոցների լիցքավորման համար ամենաքիչը պահանջվում է մեկ ժամ։

Բացի այդ մարտկոցը կարող է պահպանել կայուն ջերմաստիճան։ Այսինքն մարտկոցն աշխատում է առանց խափանումների ըստ Ցելսիուսի մինչև 60 աստիճան ջերմաստիճանի պայմաններում:

Ընկերությունը այս տեխնոլոգիայի ստեղծման ուղղությմաբ աշխատել է մոտ մեկ տարի:

Այս նյութի գործածումը կնշանավորի նոր դարաշրջանի սկիզբ, քանի որ գրաֆենային գնդերը կարող են լայն տարածում գտնել ոչ միայն սմարթֆոնների և գաջետների արտադրությունում, այլ նաև կիրառվել էլեկտրական ավտոմեքենաների շարժիչներում։

Ավելացնենք, որ Samsung ընկերությունն արդեն արտոնագրել է իր նոր տեխնոլոգիան Հարավային Կորեայում և ԱՄՆ-ում։

Share.