Ներկայացվել է 1600 ձիաուժ հզորությամբ Jesko մեգաքարը։

0

Ժնևում ընթացող միջազգային ավտոշոուի շրջանակներում՝ հիպերքարերի արտադրությամբ զբաղվող շվեդական Koenigsegg ընկերությունը ներկայացրել է նոր մեգաքարը։

Մեքենան ստացել է Jesko անվանումը՝ ի պատիվ ընկերության հիմնադիր՝ Քրիստիան վոն Կոենիգսեգգի հորը, որը որդուն շատ է օգնել բրենդը հիմնելու և այն զարգացնելու հարցում:

Մեգամեքենան կարող է հեշտությամբ զարգացնել առավելագույնը 483 կմ/ժ արագություն՝ շնորհիվ 5 լիտր աշխատանքային ծավալով V8 երկտուրբո շարժիչի:

Տպավորիչ նորույթը համալրված է 1280 ձիաուժ հզորությամբ շարժիչով, որի հզորությունը կարելի է հասցնել 1600 ձիաուժի՝ օգտագործելով E85 կենսավառելիք: Վերջինս իրենից ներկայացնում է էթանոլի և բենզինի խառնուրդ։

Նշենք նաև, որ հիպերքարը հագեցած է նաև Light Speed Transmission հատուկ 9-ը աստիճան փոխանցման տուփով:

Համաձայն Koenigsegg-ի՝ նման փոխանցման տուփը շատ ավելի արագ է աշխատում, քան ավանդականը և փոխանցումը մակարդակների միջև տեղի է ունենում «լույսի արագությամբ»։

Օրինակի համար փոխանցման տուփը կարող է անմիջապես անցնել յոթերորդ աստիճանից դեպի առաջինը առանց համաժամացման սպասման:

Ժնևի միջազգային ավտոսրահում ներկայացված մեքենայի նոր մոդելը կարտադրվի սահմանափակ քանակությամբ՝ ընդամենը 125 օրինակով, իսկ մեքենայի նախնական արժեքը կսկսվի 3 մլն դոլարից։

Share.