2017-ի ամենասպասված խաղերը ներկայացված E3-ին

0

Օրերս Լոս Անջելեսում կայացավ E3-ը՝ խաղային աշխարհի և վիդեո-խաղերի ինդուստրիայի ամենախոշոր միջոցառումը,  որի ընթացում ներկայացվեցին 2017 թվականի մի շարք նոր խաղեր։

Հարկ է հաշվի առնել, որ վիդեո-խաղերի մեկնարկի ամսաթվերը պարբերաբար հետաձգվում են և հնարավոր է, որ նշված ամսաթվերը դեռևս ենթարկվեն փոփոխությունների։

Ստորև ներկայացված են 2017 թվականի ամենասպասված և հետաքրքիր խաղերը։

Assassin’s Creed Origins

Assassin’s Creed խաղերի շարք վերջին տարիներ ընթացքում դարձել էին արդեն ձանձրալի։ Այնպես որ այս տարի Ubisoft-ը որոշել է նոր շունչ հաղորդել խաղին։ Assassin’s Creed Origins խաղի գործողությունները տեղի են ունենում Եգիպտոսում և լի են նոր արկածներով։

1

Հարթակները: Xbox One, PS4, PC

Թողարկման ամսաթիվը: Հոկտեմբերի 27, 2017

Life is Strange: Before the Storm

Գործողությունները տեղի են ունենում փոթորիկից առաջ, որը խաղացողին հնարավորություն է տալիս վերապրել 16 տարեկան գլխավոր հերոսուհու՝ Քլոյա Փրայսի պատանեկության տարիները։

2

Հարթակները: Xbox One, PS4, PC

Թողարկման ամսաթիվը: Օգոստոսի 31, 2017

Far Cry 5

Առաջին դեմքից shooter խաղի գործողությունները տեղի են ունենում Ամերիկայում՝ Մոնտանայում։ Մարտերը այս անգամ ավելի ինտենսիվ են և ուղղված նոր պաշտամունք սերմանողների դեմ։ Բարեբախտաբար, այս պայքարում դուք միայնակ չեք։

3

Հարթակները: Xbox One, PS4, PC

Թողարկման ամսաթիվը: Փետրվարի 27, 2018

 Wolfeinstein 2: The New Colossus

Wolfenstein: The New Order ամեանախոշոր անակնկալներից էր 2014 թվականի խաղերի շարքում։ Այն ձեռք է բերել մեծ սեր երկրպագուների կողմից՝ լինելով լավ shooter, և բացի այդ ունենալով հետաքրքիր պատմություն, որտեղ նացիստները հաղթանակ են տանում Երկրորդ համաշխարհային պատերազմում։

4

Հարթակները: Playstation 4, Xbox One

Թողարկման ամսաթիվը: Հոկտեմբերի 27, 2017

 Beyond Good & Evil 2

Այս խաղը առաջին անգամ թողարկվել է 2003 թվականին, սակայան Ubisoft-ը խոստացել է շարունակել արդեն դասական դարձած Beyond Good & Evil խաղը այս տարի։

5

Հարթակները: PlayStation 4, Xbox One, PlayStation 3, Xbox 360

Թողարկման ամսաթիվը: դեռևս անհայտ է

 Metro Exodus

Սա արդեն Metro խաղի երրորդ մասն է, որը մենք բոլորս այսքան անհամբեր սպասում ենք։ E3-ին ցուցադրված տեսահոլովակից կարելի է ենթադրել, որ այս նոր մասը լի է բազմաթիվ նոր տարրերով։

6

Հարթակները: Xbox One, PS4, PC

Թողարկման ամսաթիվը: 2018

Share.