2017 թվականի iPhone-ը ամբողջովին կազմված է լինելու դիսփլեյից

0

2017 թվականի iPhone-ը ամբողջովին կազմված է լինելու դիսփլեյից

Ըստ նախնական տվյալների  Apple-ի  2016 թվականի iPhone 7-ը  շատ նման է լինելու iPhone 6S-ին։ Սակայն խոշոր փոփոխություններ սպասվում են գալիք 2017 թվականին։ 2017-ը  նշանավոր է, քանի որ այն Apple-ի նախնական մեկնարկի 10-ամյակն է: Վերջերս բլոգեր John Gruber կիսվեց որոշ մանրամասներով 2017թ. iPhone-ի վերաբերյալ, որը ունենալու է ռադիկալ փոփոխություններ դիզայնի մեջ։

Իր վերջին Talk Show-ում, Gruber-ը ասել է, որ ըստ նրա 2017 թվականի iPhone-ը  ունենալու է եզրը եզրին էկրան, որն էլ վերացնելու է արտաքին շրջանակը, դիսփլեյին ներառելու է նաև դիմային տեսախցիկ, Touch ID և այլ սենսորներ, որոնք թաքնված կլինեն էկրանի տակ։

iphone-7-design-with-ios-10Նախորդ խոսակցություններում նշվում էր, որ Apple-ը 2017 թվականի iPhone-ի համար նախատեսում է ճկուն OLED էկրան, ինչը հնարավորություն կտա ստեղծելու չափսերով ավելի լայն էկրան։ Սրա մասին է վկայում այն փաստը, որ Apple-ը արդեն պայմանագիր է կնքել Samsung-ի հետ, որը պարտավորվել է Apple-ին տրամադրել OLED էկրրաններ։

Ասեկոսեներից մեկում նշվում է, որ  iPhone 7-ը կարող է ունենալ 5.8-դյույմանոց OLED էկրան, որը նշանակում է, որ Apple-ը պետք է 5.5-դյույմանոց հեռախոսի եզրերը նույնպես դարձնի էկրանի մի մաս, սակայն դեռևս անհայտ է մնում, թե ինչպես է նման չափսի էկրանով  և առանց արտաքին շրջանակի հեռախոսը աշխատելու։

OLED էկրանից բացի, 2017 թվականին դուրս եկած iPhone-ը, ունենալու է ապակյա թիթեղ, ինչպես iPhone 4 և 4S-ը, այլ ոչ թե ալյումինե պատյան, որ օգտագործվել է ավելի ուշ iPhone 5S, 6, 6S, 6 Plus, 6S Plus, և SE մոդելների համար: Անլար լիցքավորման հնարավորությունը և ընդլայնված բիոմետրիկ առանձնահատկություններ՝ ինչպիսիք են օրինակ դեմքի ճանաչումը, նույնպես դեռևս մնում են ուղղակի խոսակցություններ։

Apple-ը 2015թվականից արդեն իսկ զբաղվում էր touch and display driver integration (TTDI) չիպեր զարգացմամբ, որոնց շնորհիվ Touch ID մատնահետքերի ճանաչման համակարգը ուղղակիորեն ներդրված կլինի էկրանի մեջ։ Վերջինիս էլ հնաևավորություն կընձեռի վերացնել գլխավոր Home կոճակը: Վերլուծաբանները, ինչպես նաև Gruber-ը նախկինում նույնպես նշել էին, որ այս կոճակը հնարավոր է, որ բացակայի 2017-ի iPhone-ում։

Այսպիսով, ինչպես բոլորս հասկացանք Apple-ը 2017 թվականի iPhone-ի համար նախատեսում է խոշոր նախագծային փոփոխություններ, և նշում, որ հեռախոսները այլևս չեն ունենալու «S» անունը, այսինքն շրջանցվելու են iPhone 7s և 7s Plus-ը, իսկ  նոր մոդելին ուղղակիորեն տրվելու է iPhone 8 անվանումը կամ այլ անուն:

Share.