Հայտնի են 2019-ի ամենահզոր սմարթֆոնները։ Թոփ հնգյակում է Xiaomi-ին։

0

 

Մոբայլ սարքավորումների, սմարթֆոնների և պլանշետների թեստավորմամբ զբաղվող AnTuTu Benchmark-ի մշակողները իրենց պաշտոնական կայքում հրապարակել են նոր վարկանիշային աղյուսյակ, որտեղ նշված են Android օպերացիոն համակարգով աշխատող թոփ ամենահզոր սմարթֆոնները, ըստ այս տարվա մայիս ամսվա հետազոտությունների արդյունքի։

Այսպիսով, 2019 թվականի մայիս ամսվա դրությամբ ամենահզոր սմարթֆոն է ճանաչվել ZTE ընկերության Nubia Red Magic Mars սմարթֆոնը՝ Snapdragon 845 պրոցեսորով։

Այս սմարթֆոնի արդյունավետության աստիճանը գնահատել են AnTuTu-ի սանդղակով, համապատասխանաբար, այն ստացել է 380 921 միավոր:

AnTuTu թեստային հարթակում առաջատար սմարթֆոնների լավագույն հնգյակի մեջ են հայտնվել նաև ZTE Axon 10 Pro-ն (վերջինս ստացել է, համապատասխանաբար, 376916 միավոր), ինչպես նաև չինական հայտնի Xiaomi ընկերության մի շարք սմարթֆոններ՝ «թափանցիկ» Xiaomi Mi9 Explorer Edition-ը (376092 միավոր), խաղային Xiaomi Black Shark 2-ը (374736 միավոր) և Xiaomi Mi 9 սմարթֆոնը (372422 միավոր)։

Xiaomi-ի ներկայացուցիչները կիսվել են հաջողության հասնելու գաղտնիքով և  պատմել, որ այդպիսի արդյունքներ գրանցել են պրոցեսորի հովացման համակարգի շնորհիվ։

Այն թույլ չի տալիս չիփսեթին տաքանալ և կարող է աշխատել առանց արդյունավետության կորուստների։

Վեցերորդից տասներորդ հորիզոնականները հաջորդաբար զբաղեցրել են հետևյալ սմարթֆոնները՝ Meizu 16s-ը, հանրությանը վերջերս ներկայացված OnePlus 7 Pro-ն, Lenovo Z6 Pro-ն, ինչպես նաև Samsung ընկերության երկու ֆլագման՝ Galaxy S10 + և Galaxy S10-ը:

Ինչ վերաբերում է վերը ներկայացված թոփ հնգյակի առաջատարին, ապա նշենք, որ այդ սմարթֆոնի գլխավոր առանձնահատկությունն ակտիվ սառեցման համակարգն է։

ZTE Nubia Red Magic 3-ը հագեցած է հովացուցիչով և ջերմային խողովակով, որը ապահովում է ջերմության արդյունավետ հեռացումը պրոցեսորից:

Share.