Բջջային հեռախոսների թաքնված վտանգները

0

Image BlogԱմեն օր մենք «լողում ենք Էլեկտրամագնիսական ճառագայթման ծովում», որը ստեղծվում է էլեկտրական սարքերի, շինություններում էլեկտրական հոսանքի գծերի, և մեր առօրյա կյանքի անբաժանելի մասը կազմող այլ տեխնիկական սարքերի կողմից: Սկսած միկրոալիքային վառարանից, սպասք լվացող մեքենայից, մահճակալի մոտ դրված ժամացույց-ռադիոյից մինչև բջջային հեռախոս, որը ականջի մոտ ենք պահում երբեմն օրվա մեջ մի քանի ժամ, մեծացնում են Էլեկտրամագնիսական ճառագայթման ազդեցությունը մեզ վրա` հանգեցնելով լուրջ առողջական խնդիրների: Այսօր մարդկությունը կանգնած է հսկայական առողջապահական ճգնաժամի մի մեծ սպառնալիքի առջև. դա բջջային հեռախոսների Էլեկտրամագնիսական ճառագայթումն է: Պատահական չէ, որ այն համարվում է 21-րդ դարի «ծխացող զենք»: Ճառագայթման ենթարկվում ենք և´ բջջային հեռախոսներից, և´ աշտարակի վրա տեղադրված ալեհավաքներից: Բազմաթիվ հետազոտություններ հուշում են ուղեղի քաղցկեղի զարգացման, գենետիկ փոփոխությունների ու այլ վտանգավոր ազդեցությունների մասին: Սակայն կառավարությունները և լրատվամիջոցները, հսկայական ֆինանսական միջոցներ ստանալով հեռախոսների արտադրությամբ զբաղվողներից, շարունակում են մոլորեցնել անտեղյակ հանրությանը միլիարդների կողմից օգտագործվող արտադրատեսակների վտանգների մասին: Շատ հաճախ, մեծ շուքով տարածում են նույնիսկ տարբեր հետազոտությունների արդյունքներ բջջային հեռախոսների լիարժեք անվտանգ լինելու մասին:
Այս ակնարկում կներկայացնենք մի գիտնականի (համաճարակաբան-բժիշկ, գիտությունների դոկտոր Ջորջ Կարլո) հետազոտության արդյունքները, ով ուղղակի «փախավ» իրեն հետազոտություն պատվիրած արտադրական ընկերությունից, երբ պարզեց, թե ինչ անդառնալի հետևանքներ են պարունակում բջջային հեռախոսների օգտագործման հետ կապված ռիսկերը:

Բջջային հեռախոսները շուկա են հասնում առանց անվտանգության ստուգման:

Image BlogԲջջային հեռախոսների արտադրությունն սկսվել է վաղ 1980-ականներին, երբ հեռահաղորդակցական տեխնոլոգիաները, որոնք մշակվել էին պաշտպանության նախարարության համար, առևտրայնացվեցին արտադրող ընկերության կողմից շահույթ ստանալու նպատակով: Այս խումբը, որն ուներ մեծ գաղափարներ, բայց սահմանափակ ռեսուրսներ, ճնշում գործադրեց կառավարության` սննդի և դեղորայքի գործունեությունը կարգավորող մարմնի վրա, որպեսզի վերջինս թույլատրի վաճառել բջջային հեռախոսներն առանց «նախաշուկա-փորձարկման»: «Ցածր էներգիայի բառացություն» կոչվող հիմնավորումը էներգիայի քանակի հիման վրա տարբերակում է բջջային հեռախոսները վտանգավոր միկրոալիքային վառարաններից` որտեղ այդ էներգիան օգտագործվում է միկրոալիքները մղելու համար: Ճնշման մեթոդներն աշխատեցին ու բջջային հեռախոսներն ազատվեցին ամեն տեսակ նորմատիվ վերահսկողությունից, ինչը շարունակվում է մինչ օրս: Հասարակությունը շատ արագ տարվեց բջջային հեռախոսներով, որոնք, ըստ բազմաթիվ մասնագետների, դանդաղ քայքայում են առողջությունը:

Image BlogԱյսօր բջջային հեռախոսների ավելի քան երկու միլիարդ օգտագործողներ ամեն օր ենթարկվոււմ են էլեկտրամագնիսական ճառագայթման վտանգներին` վտանգներ, որոնք համառորեն մերժում են ընդունել կառավարության համապատասխան մարմիններն ու բջջային հեռախոսների արտադրությամբ զբաղվողները: Դրանք են. գենետիկ շեղումները, ուղեղի դիսֆունկցիան, ուղեղի գոյացությունները և քնի խանգարման ու գլխացավերի տիպի այլ խնդիրներ: Հեռախոսի օգտագործման տևողությունն այդքան էլ կարևոր չէ, ըստ բժիշկների, քանի որ վտանգավոր մեխանիզմը միանում է վայրկյանների ընթացքում: Հետազոտողներն ասում են, որ եթե նույնիսկ կա էլեկտրամագնիսական ճառագայթման ազդեցության անվտանգ մակարդակ, ապա դա այնքան ցածր է, որ իրենք չեն կարող բացահայտել:

Image BlogԲջջային հեռախոսների արտադրողները քաջատեղյակ են վտանգներից: Դա է փաստում այն, որ որոշ ընկերությունների սպասարկման պայմանագրերն արգելում են դատի տալ բջջային հեռախոսների արտադրողին կամ ծառայության մատակարարին, կամ նրանց դեմ միասնական հայց ներկայացնել: Այդուհանդերձ, հանրությունը լավատեղյակ չէ վտանգներին, այնինչ մամուլը չի դադարում մատակարարել տեղեկատվություն բջջային հեռախոսների` օգտագործման համար լիովին անվտանգ լինելու մասին: Մինչդեռ, օրինակ վերոնշյալ բժիշկը համոզված է, որ հետազոտություններից ոչ մեկը չի կարող ապացուցել անվնաս լինելը, անկախ նրանից, թե որքան լավ և ում կողմից է կատարվել հետազոտությունը:

Image BlogԸնդհանրացնելով հասանելի հետազոտությունները` կարող ենք նշել մի քանի դրույթներ բջջային հեռախոսների վտանգավորության մասին.

  • Ի սկզբանե պատրաստված լինելով պաշտպանության նախարարության համար, բջջային հեռախոսային սարքերը երբեք չեն ստուգվել վնասակարության դեմ:
  • Բջջային հեռախոսների անվտանգության մասին հարցերը ծագեցին վաղ 1990-ականներին, երբ մի գործարար հայց ներկայացրեց, որ իր կնոջ` ուղեղի քաղցկեղից մահվան պատճառը հենց բջջային հեռախոսներն են:
  • Գիտնականները պարզել են, որ բջջային հեռախոսի ճառագայթումը կարող է պատճառ հանդիսանալ ԴՆԹ-ի վնասման, ԴՆԹ-ի վերականգման խաթարման և սրտի աշխատանքի խանգարման համար:
  • Ուսումնասիրությունները վկայում են, որ բջջային հեռախոսի ճառագայթումը նպաստում է ուղեղի դիսֆունկցիային, ուռուցքների առաջացմանը, և պոտենցիալ պայմաններ է պարունակում աուտիզմի, ուշադրության դեֆիցիտի, նեյրոդեգեներատիվ հիվանդության, վարքային ու հոգեբանական խնդիրների ձևավորման համար:
  • Բջջային հեռախոսների ճառագայթման դեմ ամենալավ պաշտպանությունը դրանք անվնաս հեռավորության վրա պահելն է:
  • Միշտ պետք է օգտագործել ականջակալներ, նվազեցնելու համար բջջային հեռախոսի ճառագայթման ազդեցությունը:

Image Blog

 

Share.