Ի՞նչ է 5G-ն, և ի՞նչպես այն կփոխի մեր կյանքը։

0

Օրեցօր մեկը մյուսի հետևից թողարկվում 5G կապով սմարթֆոններ։

Սակայն թե ինչ է իրենից ներկայացնում նոր սերնդի կապը և ինչով է այն մեզ զարմացնելու շատերի համար դեռևս մնում է անհայտ:

Այսպիսով, ի՞նչ է իրենից ներկայացնում 5G-ն։

5G-ն կամ fifth generation 5-րդ սերնդի բջջային կապի կարճ անվանումն է, որը գալիս է փոխարինելու արդեն բոլորիս հայտնի 3G-ին և 4G-ին:

Ո՞րն է 5G-ի գլխավոր տարբերությունը։

5-G նոր տեխնոլոգիան խոստանում է լինել հեղափոխական։ Վերջինս հագեցած կլինի մի շարք նորարարություններով։

Օրինակ՝ Զանգվածային MIMO տեխնոլոգիաով, որը ենթադրում է մի քանի ալեհավաքների օգտագործում: Վերջինիս շնորհիվ կարագանա տվյալների փոխանցումը, իսկ ազդանշանը, ալեհավաքների թվի հաշվին, կդառնա ավելի որակյալ։ Մյուս նորությունը D2D (Device-to-device)-ն է, որի օգնությամբ իրար մոտ գտնվող սարքերը կկարողանան տվյալներ փոխանակել միմյանց հետ:

Ի՞նչ կփոխի 5G-ն

Ինչպես արդեն նշեցինք, 5G-ի առաջին և ամենակարևոր հատկությունը տվյալների փոխանցման արագության աճն է: Նախնական փորձարկման ընթացքում արձանագրվել է 25.3 Գբիտ/վրկ արդյունքը: Ինչը նշանակում է, որ օրինակ Full HD ֆորմատով ֆիլմը հնարավոր կլինի բեռնել մի քանի վայրկյանում:

Համեմատության համար նշենք, որ այժմ 4G-ի առավելագույն արագությունը հազվադեպ է գերազանցում 100 Մբ/վրկ-ն:

Վերջինս հատկապես օգտակար կլինի ուղիղ եթերների, վիրտուալ և լրացված իրականությամբ տեսանյութերի բարձր որակի համար:

Կաշխատի՞ արդյոք Ձեր սմարթֆոնը 5G-ով

5G ցանցից օգտվելու համար պետք է նոր սմարթֆոն ձեռք բերել, որն ունի համապատասպան ֆունկցիան:

Ինչքա՞ն սպասել

Փորձագետների հավաստմամաբ՝ 5G կապին երկար չենք սպասի, այն ամենայն հավանականությամբ, հասանելի կդառնա բոլորին արդեն 2020 թվականին։

Չինաստանում արդեն ավարտվել են տեխնոլոգիայի մշակումները: Այնտեղ սպասում են, թե երբ կթողարկվեն և շուկա դուրս կգան 5G սմարթֆոնները:

Share.