Հինգ րոպեում լիցքավորվող սմարթֆոնները կդառնան իրական։

0

Սմարթֆոնները, որոնց մարտկոցը հնարավոր կլինի լիովին լիցքավորել ընդամենը հինգ րոպեում, հասանելի կլինին սպառողներին շատ շուտով:

Այս տեխնոլոգիան առաջին անգամ ներկայացվել է 2015 թվականին իսրայելական StoreDot ստարտափի կողմից Լաս Վեգասի CES ցուցահանդեսի ժամանակ։

Վերջերս, ընկերության գլխավոր գործադիր տնօրեն՝ Դորոն Մայերսդորֆը, հայտնել է, որ այս նոր տեխնոլոգիայով համալրված հեռախոսները ամենայն հավանականությամբ արտադրության դուրս կգան 2018 թվականի սկզբին։

Սակայն Մայերսդորֆը դեռևս չի նշել սմարթֆոն արտադրող ընկերությունների անունները, որոնք ստորագրել են պայմանագրեր օգտագործել նման տեխնոլոգիա իրենց արտադրանքներում։

6026978_charger1

Այս մարտկոցները պարունակում են նյութեր, որոնք անսովոր արագ կերպով կարողանում են փոխանցել իոնները կաթոդների՝ էլեկտրական գործընթաց, որի արդյունքում լիցքավորվում է մարտկոցը։

Նախագծում ներառված են չափազանց փոքր նանոնյութեր և անանուն օրգանական միացություններ:

Այս արագ լիցքավորվող մարտկոցների որոշ տարբերակները դեռևս հաստ են, քան ներկայիս շատ սմարթֆոնների մարտկոցները, սակայն ինչպես պնդում է Մայերսդորֆը իրենց արտադրանքը արդեն իսկ պատրաստ է շուկայի և զանգվածային արտադրության համար։

«Մենք խոստանում ենք, որ շատ շուտով դուք կկարողանաք լիցքավորել Ձեր սմարթֆոններրը ընդամենը հինգ րոպեում», – ասել է նա:

Այժմ այս տեխնոլոգիան փորձնական արտադրության փուլում է Ասիայում, իսկ զանգվածային արտադրությունը սպասվում է 2018 թվականի առաջին եռամսյակին։

Share.