5G ինտերնետն արդեն մոտ է

0

10-ից 100 անգամ ավելի արագ քան 4G-ն

ԱՄՆ-ի Հաղորդակցությունների դաշնային կոմիտեն (ՀԴԿ) հայտնել է, որ ցանկանում է, որպեսզի անլար 5G-ն հասանելի լինի 2020-ից և ներկայացրել է իր պլանները, թե ինչպես խթանել տեխնոլոգիաների զարգացումը:

ՀԴԿ նախագահ Թոմ Վհիլերը պնդում է 5G ցանցերին high-band spectrum ընձեռնող նախագծի ընդունման վրա: Նրա խոսքով՝ դա շատ կարևոր է, քանի որ թույլ կտա ամերիկյան կազմակերպություններին լինել առաջինը ոլորտում: Պետք է նշել, որ ՄԱԿ-ը ևս մինչև 2020թ-ը 5G ունենալու վերաբերյալ նախագիծ է առաջարկել:

High-band spectrum-ը ինչպես չլիցենզավորված 14 GHz band-ը թույլ կտա կազմակերպություններին մշակել այնպիսի ենթակառուցվածքներ, որոնք կապահովեն անլար տեխնոլոգիաների հաջորդ սերունդը, այդ թվում՝ ավելի արագ շարժական ինտերնետ և Wi-Fi արագություններ:

Tom_Wheeler_FCC_sign_msnbc-970-80ՀԴԿ-ն չի պլանավորում սահմանել 5G ցանցերի առանձնահատկությունները՝ թողնելով դա մասնավոր կազմակերպություններին: Վերջիններս իրենք պիտի ստեղծեն ստանդարտներ և համաձայնության գան դրանց վերաբերյալ, ինչպես դա արվել էր 4G-ի դեպքում: Համենայն դեպս, Վհիլերն ակնկալում է, որ 5G-ն կլինի 10-ից 100 անգամ ավելի արագ քան 4G-ն և կտրամադրի միլիվայրկյանից փոքր հաճախականություն: Նրա կարծիքով՝ 5G-ի կիրառման տարբերակներից շատերը դեռ հնարավոր չէ պատկերացնել, սակայն, այն հավանաբար, շատ բան է փոխելու:

Այնուամենայնիվ, 5G-ն իրականություն դարձնելը խոշոր տեխնիկական մարտահրավեր է քանի որ պահանջում է լուրջ աշխատանքներ բջջային աշտարակների հարցում: Պետք է հաշվի առնել, որ high-band spectrum-ի համար անհրաժեշտ են ավելի մեծ թվով աշտարակներ:

AT&T-ն ը Verizon Wireless-ը արդեն սկսել են 5G-ի փորձարկումները: 5G տեխնոլոգիաների վրա աշխատող կազմակերպություններից են նաև Google-ն ու Samsung-ը: Հուսով ենք, որ այս կազմակերպությունները կկարողանան միասին աշխատել, որպեսզի ապահովեն տարբեր ցանցերի և տարբեր սարքերի փոխգործունակությունը:

5G-ն, հավանաբար, դեռ մի քանի տարի իրականություն չի լինի, սակայն ՀԴԿ-ի քայլերը կապահովեն, որպեսզի ամերիկյան կազմակերպությունները հետ չմնան մնացած աշխարհից: Հաղորդակցությունների դաշնային կոմիտեն 5G-ի նախագծի վերաբերյալ քվեարկելու է հուլիսի 14-ին:

Share.