6 նշան, որ Apple-ը միտումնավոր դանդաղեցրել է ձեր iPhone-ը։

0

Արդեն կասկածներ չկան, որ ամերիկյան Apple ընկերությունը դանդաղեցրել է հին մարտկոցով iPhone-ների աշխատանքի արագությունը։

Օրերս Apple-ը ընդունել է իր կողմից սմարթֆոնների հին մոդելների օպերացիոն համակարգի աշխատանքի միտումնավոր դանդաղեցումը` պարզաբանելով, որ դա արվել է մարտկոցի մաշվելը կանխելու և սմարթֆոնի կյանքը երկարաձգելու նպատակով, քանի որ էներգիա պահանջող խնդիրների իրականացման ժամանակ սմարթֆոնը կարող է անսպասելիորեն անջատվել:

Իհարկե, ընկերությունը ներողություն է խնդրել իր սպառողներից և խոստացել, որ ապագայում նման բան այլևս չի կրկնվի, սակայն փաստը մնում է փաստ, հին iPhone-ների մոդելների կատարումը իսկապես նվազել է։

Այնպես, որ եթե iPhone-ի օգտատեր եք և ցանկանում եք պարզել արդյո՞ք ձեր սարքը դանդաղեցված սմարթֆոնների թվում է, թե ոչ, ապա ստորև ներկայացված են բոլոր հատկանիշները, որոնք մատնանշում են այդ փաստի մասին։

Apple-ի տվյալներով գոյություն ունի մի քանի նշան։ Ահա, թե որոնք են դրանք՝

  • Հավելվածների գործարկման համար պահանջվում է ավելի երկար ժամանակ, քան ավելի վաղ
  • Ձեր հեռախոսի էկրանի պայծառության հետ կապված խնդիրներ են առաջացել: Այն այլևս այնքանպայծառ չէ,որքան պետք է լինի։ Նույնիսկ, չհաշվածայն հանգամանքը, որկարգավորումներիցայս հատկությունըդուք բարձրացրել եք մինչև վերջ
  • Բարձրախոսի ցածր ձայնը (մինչև -3dB)
  • Որոշ հավելվածներում frame rate-ը նվազել է։ Այս խնդիրը, մասնավորապես, ակնառու է գրաֆիկայով հագեցած խաղերում
  • Որոշ ծայրահեղ դեպքերում տեսախցիկիլույսը՝ ֆլեշ կամերան,կարող է ավտոմատ կերպով անջատվել և չմիանալ։
  • Ֆոնային պլանում թարմացվող հավելվածները կարող են գործարկման ժամանակ պահանջել վերբեռնում և վերագործարկում։ Ինչպես հայտնի է, Apple-ը ներկայացրել է «Background App Refresh» առանձնահատկությունը iOS 7-ում։ Վերջինս թույլ է տալիս երրորդ կողմի հավելվածներին ստանալ տվյալներ նույնիսկ այն ժամանակ, երբ այդ ծրագրերը ակտիվ չեն։

Հիշեցնենք, որ օրեր առաջ մի շարք օգտատերեր բազմաթիվ դատական հայցեր են ներկայացել ամերիկյան կորպորացիայի դեմ՝ սմարթֆոնների հին մոդելների աշխատանքը միտումնավոր դանդաղեցնելու համար։

Share.