Acer-ը ներկայացրել է iPhone 8-ի բարակության նոթբուք։

0

Վերջին տարիների ընթացքում մենք ականատես եղանք տարբեր արտադրողների կողմից երբևէ ստեղծված ամենաբարակ և ամենաթեթև նոթբուքների թողարկամանը։ Սակայն համակարգչային տեխնոլոգիաների ոլորտում առաջատար լինելու պայքարը դեռևս շարունակվում է։ Այնպես, որ Լաս Վեգասում կայացած CES 2018 տեխնոլոգիական ցուցահանդեսի ժամանակ ցուցադրվել է ամենաբարակ նոթբուքի նոր տիտղոսակիրը։

Համակարգիչներ արտադրող Acer ընկերությունը ներկայացրել է աշխարհի ամենաբարակ նոթբուքը՝ Acer Swift 7-ը, որի հաստությունը մի փոքր ավելին է, քան iPhone 8-ինը։

Ի համեմատ Apple-ի հայտնի MacBook Air-ի (17 մմ) կամ ավելի բարակ մոդել 13.1 մմ MacBook-ի, Acer Swift 7-ի հաստությունը կազմում է ընդամենը 8,98 մմ։ Թեպետ ամբողջությամբ ալյումինից պարտարստված նոթբուքի կորպուսի բարակությանը, սարքավորման տեխնիկական հնարավորությունները չեն տուժել:

Acer Swift 7–ը ունի 7–րդ սերնդի Core i7 պրոցեսոր, 8GB oպերատիվ հիշողություն և 256 GB պահեստային հիղողություն։ 14 դյույմանոց Full HD էկրանը սենսորային է՝ պաշտպանված Corning Gorilla Glass ապակիով։ Նոթբուքի մարտկոցի հզորության մասին դեռևս տեղեկություններ չկան, սակայն ինչպես վստահեցնում է արտադրողը նոթբուքը կարող է աշխատել 10 ժամ։

Նշենք, որ ստեղնաշարը վատ լուսավորության պայմաններում լուսավորվում է։ Բացի այդ նոթբուքը համալրված է նաև մատնահետքի սկաներով։

Եվ բնականաբար, պրեմիում դասի արտադրանքը ունենում է բարձ արժեք․ Acer Swift 7–ի մեկնարկային գինը 1699 դոլար է։

Acer Swift 7–ը վաճառքի կհանվի ԱՄՆ-ում այս տարվա մարտ ամսից, իսկ Եվրոպայում և Ավստրալիայում՝ ավելի ուշ։

Acer-Swift-7-SF714-51T_left-facing-rearAcer-Swift-7-Spin-3-FItwarren_acer_ces_201823

Share.