AirBus անօդաչու թռչող տաքսին իր առաջին թռիչքն է կատարել։

0

Airbus ավիաարտադրող ընկերության՝ A3 մասնաճյուղը զբաղվում է Vahana անօդաչու օդային տաքսիի մշակմամբ և փորձարկումներով։ Իսկ օրեր առաջ անադօչու սարքի նախատիպը կատարել է իր առաջին թռիչքը, որը ավատրվել է հաջողությամբ։

Հունվարի 31-ին՝ ԱՄՆ-ի Օրեգոն նահանգում տեղի ունեցած փորձնական թռիչքի ժամանակ, Vahana անօդաչու տաքսի նախատիպը օդ է բարձրացել մոտ 5 մետր բարձրության վրա, ապա մնացել օդում 53 վարկյան, որից հետո սահուն վայրէջք կատարել: Այս փուլում սարքը կատարել է պահանջվող բոլոր վարժությունները, սակայն փորձարկումների հաջորդ փուլում այն ինքնավար ռեժիմում ոչ միայն պետք է պարզապես օդ բարձրանա, այլև անցնի որոշ տարածություն և խուսափի հանկարծակի հայտնված խոչընդոտներից։

Vahana1_FINAL.0Վերը նշված Alpha One-ը՝ թռչող սարքի առաջին նախատիպն է, որն ունի 6,2մ լայնություն, 5,7մ երկարություն, 2,8մ բարձրություն և կշռում է 745կգ։

Ընկերությունը խոստանում է, որ անօդաչու թռչող տաքսին կհայտնվի շուկայում արդեն 2020 թվականին։ Նախատեսվում է, որ Vahana-ն արդեն իսկ մշակված ուղղիներով կտեղափոխի թե մարդկանց, թե տարբեր բեռներ` շրջանցելով խցանումները գերբեռնված քաղաքներում։

Նշենք, որ Vahana նախատիպի մշակումը սկսվել է դեռևս 2016 թվականի փետրվարին, և բացի այդ օդային տաքսիների մշակմամբ զբաղվում են մի շարք այլ ընկերություններ ևս: Դրանց թվում է օրինակ՝ հայտնի դարձած գերմանական Volocopter ընկերությունը իր Volocopter 2X թռչող սարքով, որը անցյալ տարի իր առաջին փորձնական թռիչքն է կատարել Դուբայում:

Share.