AMD-ի նոր SSG տեխնոլոգիան միաձուլում է SSD-ն GPU-ի հետ ?!

0

AMD-ի Solid State Graphics Տեխնոլոգիան հնարավորություն կտա տեսաքարտի վրա պահպանել տերաբայթներ։

Մինչև SIGGRAPH-ի կոնֆերանսին իր հաջորդ նորարությունը ներկայացնելը` AMD-ին հայտարարել է, որ երբեք հնարավոր չէ ունենալ բավարար հիշողություն պրոֆեսիոնալ տեսաքարտերի վրա։ Օգտագործելով SSG տեխնոլոգիան (Solid State Graphics Technology) ընկերությունը կարող է ներդնել գերարագ NAND հիշողություն իր առաջիկա մասնագիտական GPU-ների մեջ:

Ընկերությունը հայտարարել է, որ  մագնիտուդով ավել հիշողությունը հնարավոր կլինի միացնել GPU-ին։ Ներկա դրությամբ մեծ հիշողություն ունեցող GPU-ն դա AMD-ի Radeon FirePro W9100-ն է 32GB RAM-ով։

SSG տեխնոլոգիաների շնորհիվ, NAND-ը ուղղակիորեն կապված է տեսաքարտի միջուկի հետ։

Ինչու՞ է այն կարևոր։

AMD-ի Industry Alliances-ի ղեկավար David Wattters-ը ասել է․«Այն մեզ հնարավորություն կտա GPU-ին միացնել հիշողության մի ամբողջ տերաբայթներ»։ Հետևանքները դեռևս ամբողջությամբ հայտնի չեն, սակայն, Watters-ը նշել, որ SSG-ն արդեն մատուցում է ultra-high-resolution-ով 8K տեսանյութ։ Հաշվի առեք, որ 8K տեսանյութը ուղղակի 4K-ի կրկնապատիկը չէ։ Ultra HD 4K տեսանյութը մոտ 8.3 մեգապիքսել է, իսկ 8K-ն՝ մոտ 33 մեգապիքսել (7680×4320): Ըստ Watters-ի, ներկայիս GPU-ները կարող են ցուցադրել 8K տեսանյութ 17fps-ով, սակայն SSG-ով նույն տեսանյութը կցուցադրվի 90 + fps-ով։

SIGGRAPH-ի ընթացքում AMD-ն ներկայացրել է սարքի հնարավորությունները իրական ժամանակահատվածում։ Պատկերը հետևյալն է․Առաջին համակարգը տառապելով ցուցադրում է 8K տեսանյութ 17 fps-ով, իսկ երկրորդ՝ ունենալով SSG–ով GPU նույն 8K տեսանյութը ոչ միայն ցուցադրում է ավելի քան 90 fps-ով, այլ նաև հնարավորություն է տալիս արագորեն և անխոչընդոտ առաջ տալ տեսանյութը այնպիսի հեշտությամբ, ինչպես օրինակ 1080P տեսանյութ խմբագրելը։

screenshot-17-100673649-large

Ինչպես է այն աշխատում

Հաշվի առնելով, որ ներկայիս տեսաքարտերը համեմատաբար փոքր քանակությամբ հիշողություն ունեն, GPU-ն պետք է կտրի workload-երը, ապա կարողանա միաձուլել այդ հեռավոր մասերը միմյանց հետ: Երբ GPU-ն ցանկանում է իրականացնել մեծ աշխատանք, այն պետք է ազդանշան ուղարկի CPU-ին, որն այնուհետև տվյալներ է վերցնում RAM-ից կամ primary storage-ից։ Այս ամբողջ գործընթացի պատճառով էլ առաջանում է հետաձգում։

SSG-ի հետ, CPU-ն ամբողջությամբ շրջանցվում է, ինչը զգալիորեն նվազեցնում է սպասելու ժամանակը։ Ընկերությունը դեռևս չի բացահայտել մանրամասները, բայց SSG կարծես թե հիմնված է ստանդարտ M.2 ինտերֆեյսի վրա և օգտագործում է PCIe:

Հարկ է նշել, որ SSG-ն չի փոխարինի RAM-ը (ինչպես GDDR5 + կամ HBM կամ HBM2) քանի որ այն կլինի շատ դանդաղ: Օրինակ AMD-ի նոր Polaris-ի վրա հիմնված Radeon RX 480-ը ունի մոտ 256GBps հիշողության թողունակություն (bandwidth)։

AMD-ն նշել է, որ SSG հիշողությունը կհեշտացնի real-time visualization-ը, ինչպես նաև կփոխի պրոֆեսիոնալների աշխատելաձևը, քանի որ հիշողություն պակաս չի լինի: CAD ծրագրով աշխատողը սկսում է իր առավոտը բեռնելով մոդելները, որը կարող է տևել մեկ ժամ: Իսկ SSG-ն կվերացնի սպասման այդ ժամանակը:

Բացի այդ, GPU-ն կօգնի միարժամանակ հեռարձակել 4K տեսանյութեր բազմաթիվ էկրանների վրա, ինչը թույլ կտա VR headset-ին աշխատել ավելի արագ: Թեթևացնելով աշխատանքը այն կարող է VR headset-ին՝ ինչպիսիք են Oculus Rift-ը և HTC Vive-ը, մատուցել ավելի սահուն գրաֆիկա:

SSG-ի հիշողությունը կդիտարկվի որպես RAM-ի հսկայական հիշողության մի մաս։ Եթե GPU-ն չկարողանա գտնել անհրաժեշտ տվյալները տեղական GDDR5 + կամ HBM RAM-ում, ապա այն կսկսի որոնել դրանք SSG-ում։ Եվ միայն դրանից հետո այն կհարցնի CPU-ին, թե ինչ է վերջինս ցանկանում։

amd-capsaicin-radeon-pro-ssg-diagram-20160726

Share.