Ամստերդամում կփորձարկվեն ինքնագնաց նավակներ

0

Մի քանի տարի անց ճանապարհները, հավանաբար, լի կլինեն ռոբոտանման մեքենաներով: Իսկ ծովե՞րը։ Արդյո՞ք աշխարհի ջրային տարածություներում նույնպես կիշխեն նմանատիպ ռոբոտներ։ Ամստերդամում սկվսում է փորձարկվել մի ծրագիր, որը կարող է փոխել աշխարհը ի համապատասխան վերը նշված պատկերին։ Ամստերդամի Metropolitan Solutions ինստիտուտը (AMS) հայտարարել է, որ հինգ տարով կսկսի փորձարկել փոքր ռոբոտացված նավակներ, որոնք կրում են պարզ Roboat անվանումը:

roboat-senable-city-1Ծրագիրը կօգտագործի տեխնոլոգիաներ MIT-ից (Massachusetts Institute of Technology), Delft-ի և Wageningen-ի համալսարանից: AMS ունի մոտ $ 27 մլն հովանավորություն և հուսով է 2017 թվականին ազատ արձակել առաջին ինքնագնաց նավակները։ Շնորհիվ հարյուրավոր ջրանցքների, որոնք գալարվում են ամբողջ քաղաքի շուրջ, Ամստերդամը կատարյալ վայր է այս ծրագրի իրագործման համար:

roboatRoboat-ը դեռևս գոյություն չունի, բայց նախնական պատկերները ցույց են տալիս, որ այն լինելու է բազմաֆունկցիոնալ: AMS-ը նախատեսում է նավեր, որոնք ունակ կլինեն ամբողջ քաղաքով փոխադրել ուղևորների, տեղափոխել ապրանքներ կամ կրել սենսորներ, որոնք կվերահսկեն ջրի որակը: Նավերը փոքր են, սակայն մոդուլային: Այսինքն, կարող են միավորվել և ձևավորել ավելի մեծ հարթակներ կամ նույնիսկ ժամանակավոր կամուրջներ։

AMS-ը գիտակցում է նման նավերի գլոբալ պահանջարկը։ Կլիմայական փոփոխությունների պատճառով ծովի մակարդակը շարունակում է բարձրանալ, որի հետևանքով քաղաքներում կաճի ջրային տրանսպորտի կարիքը։ Նրանք արդեն համագործակցում են Բոստոն քաղաքի հետ, որտեղ կտեղակայեն մի քանի Roboat-ներ։

Share.