Android 7.0 Nougat-ը հնարավոր է ժամանի Օգոստոսի 5-ին

0

Եթե այդպես է, ապա ո՞ր սարքերը առաջինը կստանան Google-ի նորագույն օպերացիոն համակարգը։

Շատ հավանական է, որ Google-ը կմեկնարկի Android 7.0 Nougat-ը այս ուրբաթ:

Այս կանխատեսումները գալիս են հայտնի և հուսալի աղբյուրից՝ Evan Blass-ի (Twitter-ում @evleaks) շաբաթ օրը արված թվիթից, որտեղ ասվում է, որ Android 7.0 կմեկնարկվի հաջորդ ամիս, 8/5 անվտանգության patch-երով: Եթե Blass-ը ճիշտ է, ապա նոր օպերացիոն համակարգի մեկնարկը օգոստոսին շատ վաղ է Google-ի համար, քանի որ վերջին տարիներին թարմացումները հասանելի են եղել սկսած հոկտեմբեր կամ նոյեմբեր ամիսներից։

Սակայն դա չի նշանակում, որ Android սարքերից օգտվողները կարող են անմիջապես ձեռք բերել Nougat-ը։ Այն բանից հետո, երբ Google-ը կսկսի ՕՀ-ի նոր տարբերակը, հեռախոս արտադրողները ու անլար կրիչները պետք է փորձարկեն դա յուրաքանչյուր սարքի վրա, նախքան թողարկելը։ Ինչը նշանակում է, որ Android-ից օգտվողները հաճախ ստիպված են սպասել ամիսներ վերջին թարմացված տարբերակը ստանալու համար:

1467308297-2563

Նախքան ծրագիրը հասանելի կդառնա այլ հեռախոսների համար, որպես կանոն, Google-ը իր սեփական Nexus հեռախոսների օգտատերերին հնարավորություն է տալիս օգտվել նոր Android-ից։ Իսկ որոշ Android սարքեր, ամենայն հավանականությամբ, երբեք չեն ստանա այս թարմացումը։

Իր թվիթումը Blass-ը ասել է. «Ներեցեք Nexus 5-ի սեփականատերեր, Nougat-ը Ձեզ համար չէ»: Google-ի կողմից վաճառվող ներկայիս Nexus հեռախոսներն են՝ 5X և 6P։ Դեռևս հնարավոր է գնել Nexus 6-ը, սակայն ոչ Google-ի միջոցով: Ընթացիկ Android N Developer Preview-ները չեն ներառում Nexus 5-ը:

Մեկ այլ հեռախոս, որի շնորհիվ կարելի է փորձարկել Android 7.0-ը, դա LG-ի գալիք V20-ն է։

LG-ի V10 սմարթֆոնը դուրս է եկել անցյալ տարվա հոկտեմբերին, իսկ V20-ը, ինչպես հայտնել է հարավկորեական ընկերությունը երկուշաբթի, կմեկնարկի այս տարվա սեպտեմբերին և կլինի առաջին Android սարքը հագեցած Nougat-ով։

LG ասել է, որ V20-ը իր մեջ կներառի Android 7.0-ի հիմնական հատկանիշները, այդ թվում` մարտկոցը խնայողաբար օգտագործելու առանձնահատկությունը, ավելի լավ խաղային գրաֆիկա և Direct Reply, որը կօգնի ավելի արագ արձագանքել տեքստային հաղորդագրություններին կամ իրականացնել այլ առաջադրանքներ օգտագործելով ծանուցման panel-ը:

Google-ը չի կիսվել աշնանը մեկնարկվող նոր Nexus-ի մանրամասներով։

Share.