Հայտնի են օգտատերերի լուսանկարները գողացող հավելվածները։

0

Google ընկերությունը՝ իր Google Play պաշտոնական խանութից օրեր առաջ հեռացրել է մոտ 29 հավելված, որոնք սպառնում էին օգտատերերի անվտանգությանը։ Այս հավելվածների,  ի սկզբանե, կոչված էին բարելավել լուսանկարների որակը:

Պատճառն այն էր, որ նմանատիպ հավելվածներից շատերը գաղտնի կերպով գողանում էին օգտատերերի նկարները, և այնուհետև դրանց միջոցով կարողանում բացել կեղծ հաշիվներ տարբեր սոցցանցերում:

Նշենք, որ բացի այդ, այս՝ արդեն իսկ ջնջված հավելվածներն անհանգստացնում էին օգտատերերին անընդհատ երևացող գովազդային բաներներով, թարմացման պահանջներով և մեծահասակների համար նախատեսված բովանդակությամբ:

Նման զայրացնող գովազդային վահանակները թաքցնելու համար վերջիններս օգտատերերից պահանջում էին որոշակի գումար, սակայն անգամ գումարը ստանալուց հետո չէին անհետանում:

Trend Micro ընկերությունը, որը մասնագիտացած է թվային անվտանգության ոլորտում, բացահայտել է վտանգը։

Ինչպես հաղորդում է ընկերությունը՝ նմանատիպ հավելվածների շարքին են պատկանում, այնպիսի հայտնի հավելվածներ, ինչպիսիք են՝ Cartoon Art Photo-ը, Pro Beauty Camera-ը և Emoji Camera-ը: Վերջիններս բեռնվել են օգտատերերի կողմից մի քանի միլիոն անգամ:

Ինչպես արդեն նշեցինք, ընկերությունը հոգ է տարել և արդեն իսկ ջնջել այս հավելվածները Google Play-ից, սակայն, եթե դրանք արդեն բեռնված են և տեղադրված Ձեր սմարթֆոնում, ապա անհրաժեշտ է դրանք անմիջապես ջնջել հեռախոսից:

Հավելենք, որ նման հավելվածները շատ դժվար է ջնջել սմարթֆոնից: Դրանք կարող են թաքնվել և նույնիսկ ջնջելուց հետո մնալ սմարթֆոնում:

Եթե Ձեր սմարթֆոններում տեղադրված լուսանկարների խմբագրման հավելվածներն չեք կարողանում գտնել Google Play-ում, նշանակում է, որ դրանք ևս համարվել են վտանգավոր Google-ի կողմից։

Եվ ևս մեկ անգամ խորհուրդ ենք տալիս, յուրաքանչյուր հավելված բեռնելուց առաջ ուշադրությամբ ուսումնասիրել այլ օգտատերերի կարծիքները և հավելվածն առաջարկող ընկերությունը:

Share.