Android օպերացիոն համակարգը կարող է վճարովի դառնալ

0

Ամերիկյան տեխնոհսկայի նկատմամբ ներկայացված տույժը կարող է ունենալ բացասական հետևանքներ։

Ինչպես նշել է Google-ը, այսուհանդերձ, Android օպերացիոն համակարգի օգտագործման դիմաց ընկերությունը հնարավոր է գումար գանձի։ Ընկերությունը պարզաբանել է, որ եթե իրենք ստիպված լինեն վճարել Եվրահանձնաժողովի կողմից սահմանված տուգանքը, ապա ընկերության դիրքորոշումը կդառնա իրականությունը, և Android-ը կդադարի լինել անվճար։

Հիշեցնենք, որ ավելի վաղ Եվրահանձնաժողովը 4,3 մլրդ եվրոյով տուգանել է Google-ին՝ բջջային սարքերի համար նախատեսված օպերացիոն համակարգերի շուկայում գերակա դիրքի չարաշահման մեղադրանքով։ Վերջինս պահանջում է Google-ից դադարեցնել Chrome որոնման համակարգի և Android օպերացիոն համակարգի կանխադրված տեղադրումը սարքերում:

Ի պատասխան Եվրահանձնաժողովի պահանջներին, ընկերության գլխավոր տնօրեն Սունդար Պիչայինը նշել է, որ Google-ը երբեք չի հարկադրել սմարթֆոններ արտադրող ընկերություններին իրենց սարքերում տեղադրել Android օպերացիոն համակարգ։ Նշենք, որ Android-ը ներկայումս անվճար է այնպիսի խոշոր ընկերությունների համար, ինչպիսիք են Samsung-ը, HTC-ն, Sony-ն և այլն:

«Android օպերացիոն համակարգի և Google հավելվածների անվճար տեղադրումը շահավետ է թե արտադրողներին, թե օպերատորներին, թե սպառողներին»,- նշել է ընկերության ղեկավարը, ապա պարզաբանել է, որ Google-ը երբեք գումար չի գանձել Android-ի օգտագործման դիմաց, բացի այդ, ընկերությունը, նույնիսկ միլիարդավոր դոլարներ է ծախսել ծրագրի կատարելագործման և էկոհամակարգի զարգացման համար։

Նրա խոսքերով, Android-ը չի մենաշնորհել շուկան, այլ ընդլայնել է այն՝ ստեղծելով նոր հնարավորություններ և դարձրնելով առավել բազմազան։

Ըստ վիճակագրություն, ներկայումս Android օպերացիոն համակարգը տեղադրված է 24000 տարբեր սարքերում, ներառյալ՝ սմարթֆոններ, պլանշետներ, սմարթ ժամացույցներ և հեռուստացույցներ։

Share.