Android սմարթֆոն գնելու մի քանի պատճառ։

0

Մեզանից յուրաքանչյուրը իր կյանքում առնվազն մեկ անգամ կանգնում է կարևոր ընտրության առջև՝Android, թե՞ iOS: Իհարկե, այս տարբերակներից ցանկացածը ունի ինչպես իր դրական, այնպես էլ բացասական կողմերը։

Ներկայումս սահմանափակ բյուջեով հնարավոր է գնել բավական հզոր նոր Android սմարթֆոն կամ օգտագործված iPhone։ Դժվար է գտնել այնպիսի սմարթֆոն, որի դանդաղ աշխատանքը նյարդայնացնի օգտատիրոջը։ Այսօր կքննարկենք Android օպերացիոն համակարգով աշխատող սմարթֆոնների առավելություններ:

Սմարթֆոնների ավելի լայն տեսականի

Ինչպես գիտեք iPhone-ի մոդելների տեսակները սահմանափակ են և մեկը մյուսին նման: Այնինչ Android-ի դեպքում ընտրությունը շատ ավելի մեծ է, դուք կարող եք մատչելի գնով գնել սմարթֆոն՝ ցանկացած չափսի և դիզայնի։

Հիշողության ծավալի ընդլայնում

Apple-ի օգտատերերի գլխավոր խնդիրներից մեկը պահեստաին հիշողության պակասն է, որը անհնար է ընդլայնել հավելյալ հիշողության քարտի միջոցով։ Մինչդեռ գրեթե բոլոր Android սմարթֆոնները իրենց օգտատերերին տրամադրում են microSD քարտերի հնարավորություն, որով կարելի է ավելացնել հիշողության ծավալը։

Ինտերֆեյսի փոփոխություններ

Այս առումով iOS-ը նույնպես զիջում է Android–ին։ iOS-ի իտերֆեյսը կրում է փոփոխություններ միայն ծրագրային թարմացումներից, սակայն օգտատերերը չեն կարող էական փոփոխությունների ենթարկել սմարթֆոնի ներքին տեսքը։ Իսկ Android–ի դեպքում հնարավոր է անհատականացնել ինտերֆեյսը, ինչպես նաև ձևափոխել վիզուալ տեսքը կարգավորումներից։

1673646eaadb2cc_w1920_h1080Երկու sim քարտի հնարավորություն

Android ՕՀ-ով աշխատող սմարթֆոնների հիմնական առաելություններից մեկը երկու sim քարտի հնարավորությունն է։ Վերջինս, ինչպես գիտեք, iPhone-ում բացակայումը։

Հավելվածների և մեդիաֆայլերի դյուրին բեռնում

Android-ի օգտատերերը կարող են բեռնել հավելվածներ և տարատեսակ ֆայլեր առանց հատուկ ծրագրերից օգտվելու։ Բացի այդ Android-ում հնարավոր է գործարկել գրեթե բոլոր ֆորմատների ֆայլեր։ Նույնիսկ կարելի է USB լարի միջոցով ֆայլերը համակարգչից դեպի սմարթֆոն ներբեռնել։ iOS-ում գործողությունների նման ազատություն գոյություն չունի: Ինչպես գիտեք, դեպի iPhone ֆիլմ կամ երարժշտություն ներբեռնելու համար առաջին հերթին անհրաժեշտ է հեռախոսում ունենալ iTunes:

Google Play

Google Play-ից կարելի է անվճար ձեռք բերել անվճար մեծ թվով հավելվածներ։ Այնինչ App Store-ում անվճար հավելվածների քանակը քիչ է և սահմանափակ։

Արժեքը

iPhone-ները գնային առումով միշտ ավելի թանկ են եղել, քան նույն ֆունկցիոնալությամբ օժտված Android սմարթֆոները։ Նշենք, նաև որ iPhone X-ը համարվում է ընկերության պատմության ամենաթանկ սմարթֆոնը։

Best_cheap_Android_phones

Share.