Samsung-ի մեկ այլ սմարթֆոն գրեթե հրկիզվել է ինքնաթիռում

0

Այս անգամ, հրդեհվող հեռախոսը Galaxy Note 7-ը չէր:

Ուրբաթ օրը, հնդկական ինքնաթիռներից մեկում թռիչքի ընթացքում Samsung Electronics-ի սմարթֆոնը արտանետել է ծուխ։ Բարեբախտաբար օդանավը բարեհաջող վայրէջք է կատարել և խուսափել է վթարից:

IndiGo թռիչքի ուղևորները զգացել են ուղեբեռից տարածվող ծխի հոտ և հայտնել ինքնաթիռի անձնակազմին։ Վերջիններս հայտնաբերել են կայծկլտացող և ծուխ արձակող Samsung Galaxy Note 2 հեռախոսը։

Ինչպես հայտնում է ավիաընկերությունը, աշխատակիցները օգտագործել  են կրակմարիչ, և, այնուհետև, տեղադրել հեռախոսը ջրով լցված կոնտեյների մեջ։

Կարգավորողը միջադեպը նկարագրելիս նշել է կրակի մասին, սակայն ավիաընկերությունը հայտարարել է, որ կրակ չի բռնկվել:

Այս ամիս՝ ավելի վաղ Samsung – ը կոչ է արել վերադարձնել բոլոր Note 7 հեռախոսները թերի մարտկոցի պատճառով, որոնք լիցքավորման ժամանակ կամ սովորական վիճակում պայթում են։

Սակայն նմանատիպ խնդիրներ Note 2 (որը թողորկվել է 2012 թվականին) մոդելի հետ չեն հանդիպել։

Աշխարհի խոշորագույն սմարթֆոն արտադրող ընկերությունը՝ Samsung-ը, չի հաստատել, որը սարքը եղել է Note 2:

Հնդկաստանի ավիացիայի կարգավորիչը (DGCA) խորհուրդ է տալիս ավիաընկերություններին նախազգուշացնել ուղևորներին թռիչքի ընթացքում անջատել բոլոր Samsung Note սմարթֆոնները։

Երկուշաբթի DGCA-ն, միջապեդը քննարկելու նպատակով, հրավիրել է Samsung ընկերության ներկայացուցիչներին Նյու Դելի՝ իր գրասենյակ:

Որոշ ավիաընկերություններ մի շարք երկրներում ինչպիսք են`Միացյալ Նահանգները և Չինաստանը, հանդես են եկել նախազգուշացումներով, որոնք ուղևորներին արգելում են օդանավում լիցքավորել կամ միացած պահել Samsung Galaxy Note 7 հեռախոսները։

Share.